Bob明睇混血索模美臀　望埋正面唔得掂！

【蘋果日報】林盛斌（Bob）早前喺微博爆入行辛酸，搞到自己核核突突、肉肉酸酸，扮小丑就俾人鬧全家。
Bob雖然有啲唔開心，但始終都有一班支持者，日前Bob偷得浮生，與公司一班工作人員一齊去泰國旅行放電。連日Bob都係社交網貼上旅行相，一班人玩得好開心，昨日佢又「搏鬧」，貼咗一張趴喺一位身材勁惹火嘅巨胸女後面嘅相，Bob看似欣賞「月光」，仲留言﹕「今次棋人泰國之旅，都係喺泳池度hea，冇乜點出過去…」。好多網民都講啲有味笑話，有人就提醒阿Bob要小心家中賢妻，話﹕「返到屋企跪玻璃。」
網民當然立即對呢位樣子mix mix地嘅巨胸女起底，原來佢喺中印混血模特兒蔡宛珊（Sarika），2000年已經入行，仲曾經同周星馳拍生力啤廣告，又做過黎明及許志安的MV女角等。不過，Sarika嘅靚樣都好多變，喺ig有唔少濃妝艷抹相片，同與阿Bob合照嘅清純樣大不同。原來Sarika o依家已經係Bob旗下力捧藝人，Bob成日關照帶佢去澳門做騷，睇中佢中、英文了得，所以有時同佢拍檔做司儀騷。Bob公然贒女，佢話攞正牌，唔怕老婆扭耳仔，佢昨日回覆傳媒時話：「我哋張相玩啫，我叫佢扮靚女，我扮泳池昅嘢啲男人，大家搞吓笑，想多人認得Sarika，幫吓佢，等佢多啲工作量。」
而Bob亦有趁機幫老友小肥宣傳新歌《當你走了以後2-觸景傷城》，扮唱到七情上面，小肥就喺背後游來游去，Bob留言﹕「「呢首歌曲、好聽，呢個旅程、好玩，後面個人、好肥，最尾嗰吓、好笑。呢首歌叫《當你走了以後2-觸景傷城》，如果有一首歌好聽到咁都未能打動到你，我會取消出年加入樂壇呢個念頭…」。