與《最佳女婿》張學友重遇張敏：無法忘記你給予的恩澤

【蘋果日報】人生有幾個十年，今年50歲嘅張敏，係第一代嘅「晶女郎」，自87年被王晶睇中加盟永盛電影公司，拍過好多套經典電影，當中以同星爺(周星馳)合作嘅《賭聖》系列入面嘅「綺夢」最為經典。退出娛樂圈多年嘅張敏，近年就復出，但主力都係做啲幕後工作，好少參與幕前嘅演出。
而今日佢就喺微博貼咗一張相，呢張相最大嘅亮點就係佢身邊嘅歌神張學友，張敏貼出合照後留言：「我一直覺得這世界上最美的事，不是邂逅一場花開，聆聽一陣風來，而是無論我在哪裡看花聽風，都能感受到來自於你的溫度。很多時候友情可以輕於唇齒，只須重在心頭，如此便好。人生經不起眨眼，一轉身竟已分別了二十一年，如今我已不復當年的青澀，而你依舊是青蔥的模樣。
時至今日，我仍然無法忘記當年你曾給予的恩澤，那就是你與人為善的，博施濟眾的胸懷！這是我畢生不曾停止過的追求。我最親愛的朋友，今生得以與你相逢是蒼天賜予我的福澤。在此，我誠摯地祈願，願我敬愛的，如兄如父的學友如松柏長青，願幸福的微笑一直駐足在你的嘴角，心田！！」
原來學友同張敏曾合作電影《女黑俠黃鶯》、《最佳女婿》、《笑傲江湖》、《追日》及《神經刀與飛天貓》等，雖然合作不多，但張敏就視學友為最親愛嘅朋友，仲話當佢「如父如兄」，實屬難得。