劉華抱抱印度劉華「你好靚仔」

【蘋果日報】劉德華昨日跟53歲「印度劉德華」阿米爾汗（Aamir Khan）一同在太古城中心出席慈善見面會，港、印「雙華」crossover，吸引近千觀眾追星，逼爆商場，人群中還有印度粉絲，部份甚至一家大細撐場，見到Aamir出場時更高聲呼叫。
Aamir跟少女新演員薩伊拉華森（Zaira Wasim）主演的電影《打死不離歌星夢》上周四在港開畫，大會昨先安排他跟華仔一齊出場，「雙華」見面即擁抱合照。
欣賞對方作品
問到「雙華」可有互相欣賞過對方的電影？華仔說：「知道要同Aamir同台，睇番好多佢以前嘅作品，我想同大家講，佢入行早過我，大家應該叫我香港Aamir。」Aamir則說：「我73年已拍戲，好開心被稱為『印度劉華』，我亦有睇過劉德華主演的電影《無間道》，很喜歡及欣賞他。」華仔表示特別喜歡Aamir主演的《來自星星的PK》。兩人互相用自己語言教對方講「你好嗎？」，之後Aamir更教華仔說印度語：「I love you all very much」華仔再講了一句：「你好靚仔」，他笑言自己慣常被人這樣叫。
邀華仔到印度
「雙華」活動後齊齊受訪，他們都認為彼此有相似地方，Aamir尤其覺得大家眼神相似，華仔說兩人也稱得上是靚仔。「雙華」異口同聲希望有合作機會拍戲。問到兩人可合作唱歌？Aamir指有意邀請華仔到印度，華仔笑言可以在印度開騷，Aamir則謂屆時會為華仔伴舞。
《打》片講述年輕人追夢，Aamir說：「每個人心目中都有夢想，有權發夢，但是追夢中有些事情要妥協，不可以因此影響夢想。」華仔則指不可忘記初衷，最重要對夢想要堅持和執着，成功自會獲得喜悅。
採訪：卓寶花
攝影：陳慧安