【馮仁昭四圍超】Ricky多謝夢夢：對我不離不棄

【蘋果日報】太極前晚喺紅館開騷，表演嘉賓許志安笑住話：「我哋識咗好耐，我細細個就聽佢哋嘅歌長大。」鄧建明（Joey）囝囝Justin繼續上台表演打鼓，朱翰博（Ricky）就憑歌寄意，唱出《我和太極一起走過的日子》前話：「之前屋企發生好多事，令我有好大改變，好多謝我嘅朋友對我不離不棄，照顧我，係邊個朋友大家會明㗎啦。」Joey講笑話：「大家知唔知佢講緊邊個朋友呀？」
完騷後，太極接受訪問，問到Ricky係咪講緊女友戴夢夢不離不棄？Ricky即尷尬話：「朋友囉！佢都係其中一個，唔好咁明顯啦！好肉酸，好多人都好照顧我。」隊友即講笑話：「做乜今晚先特登講，係咪噚日俾人鬧？」Ricky笑住話：「之前已經鬧，所以我噚晚特登唔講，有啲嘢估吓估吓都OK。」
Joey爆阿仔喊
Joey自爆囝囝之前綵排，返到屋企爆喊：「上得台就要對得住觀眾，我曾經當住好多人面前鬧佢，不過佢好乖忍咗我，我有同佢道歉。」
撰文：馮仁昭