毛舜筠首封后慶祝一周

【蘋果日報】57歲毛舜筠憑《黃金花》首封影后，她受訪時激動哽咽說：「心情難以形容，跳得好行，驚心臟病，一直唔敢望mon，怕輸咗唔知有乜反應，聽到自己個名第一個反應係感謝神。」身為藍帶廚師的她，透露會跟家人去日本旅行，回港時就煮七日七夜大餐慶祝。對於黃秋生的電影論，她表示不知道，並說：「成晚我嘅心情都好緊張，遊緊魂。」
此外，葉德嫻憑《明月幾時有》三奪最佳女配角，完騷後跟大隊去慶功宴，問到有否新計劃？她笑說：「我依家搵咗個氣功師，朝朝早跟佢練氣功，但係未有新戲開，邊有人請呀！不過我個心好想拍一部女性題材電影，主要針對越南、柬埔寨同非洲呢類國家嘅貧窮問題，希望Bill Gates出手，以佢嘅聰明同能力，一定可以引起各界關注。」
採訪：曹家誠、張俊銘
攝影：林賓尼