上月公開戀情28歲朴信惠：仍在尋找幸福

【蘋果日報】現年28歲嘅韓劇《Doctors》女星朴信惠出道多年，上月首次公開戀情，認戀細佢一年嘅《奇怪的搭檔》男星崔泰俊。而蜜運中嘅朴信惠早前飛去巴黎為韓國雜誌拍攝新相，同時接受訪問，大談對「幸福」嘅睇法。
朴信惠表示：「隨住年齡嘅增長，人際關係亦逐漸被整理，我想成為似香味嘅樹一樣嘅人。我相信，只要自己成為一個優秀嘅人，需要我嘅人就會自然嚟搵我，而唔係只為討好別人。」
雖然朴信惠依家蜜運中，不過對於有關「幸福」嘅提問，佢就回答：「我仍在尋找幸福。生活中都會有幸福嘅瞬間，不論咩時候，要一直努力做自己認為對嘅事，以及如何令自己更開心，先係最重要嘅。」
另外，朴信惠亦透露：「今年將以好嘅作品答謝粉絲。」似係暗示即將接拍新劇。