新聞類別
娛樂
詳情#
【蘋果日報】關之琳（之之）、琦琦、關心妍、樂基兒、何超盈及李家彤等，昨日分別出席西九圓方商場Moiselle旗艦店開幕禮及之後在尖沙嘴文化中心舉行的「Moiselle Stop The Traffic時裝騷」。
之之在開幕儀式後受訪，她表示有放自己品牌在店內出售，她說：「舖中舖咁囉，都想有自己實體店，不過應該要3年後，品牌面世都係年半，3年後會多啲信心，做緊生活化個人品牌。」之之早前跟劉嘉玲在上海各自開騷，她表示只見過對方開騷的照片：「大家啲style唔一樣，交流心得會同Moiselle太子爺Harris（陳柏熹）傾，因為大家都係partner。」
唔介意譜異地戀
談到要找另一半很難時，之之自言現在埋頭在工作方面，她說：「會自己去旅行仲大鑊，好慘好凄涼，唔介意異地戀，不過未見過亦冇乜留意，拍檔Harris都有幫手望吓，但係冇呢個緣份。」她自言想發展外地市場，至於是否男士市場，她沒有正面回答。她覺得太出名都是一個障礙：「普通人見到藝員都會好似有幅牆喺度，望兩眼就走咗，唔似普通人咁多機會囉。」此外，之之舊愛馬清偉也偕女友Winnie到場力撐。
琦琦穿着高船踭鞋亮相，她表示工作時喜歡穿高踭鞋，感覺可以令人挺直，她又爆囡囡會模特兒上身，穿上自己的長晚裝，站在椅上轉身扮行騷，她說：「兩母女少一齊shopping，但會一齊買嘢畀爹哋。」
利嘉兒爆曾小產
另外，樂基兒、挺住巨肚的邢嘉倩及懷孕4個月的利嘉兒昨晚亦有出席文化中心的時裝騷，利嘉兒形容心態輕鬆照行街：「依家有染髮，老公都有唔畀，我捉埋佢見醫生，其實冇影響。」問到BB性別，利嘉兒表示不知，因自己睇報告時亦刻意不看。她更自爆曾小產過兩次：「其實預咗要8年時間，之前試過冇咗兩次，其實第一次時好難受，知道冇BB呢件事係冇原因，可能係發育問題。第二次有咗經驗，冇第一次咁難受，但有陰影，第二次隔兩年又係咁樣。有啲生過嘅朋友同我講，其實好普遍，心就舒服啲。」
採訪：羅慧敏
攝影：陳慧安、沈健程
之之在開幕儀式後受訪，她表示有放自己品牌在店內出售，她說：「舖中舖咁囉，都想有自己實體店，不過應該要3年後，品牌面世都係年半，3年後會多啲信心，做緊生活化個人品牌。」之之早前跟劉嘉玲在上海各自開騷，她表示只見過對方開騷的照片：「大家啲style唔一樣，交流心得會同Moiselle太子爺Harris（陳柏熹）傾，因為大家都係partner。」
唔介意譜異地戀
談到要找另一半很難時，之之自言現在埋頭在工作方面，她說：「會自己去旅行仲大鑊，好慘好凄涼，唔介意異地戀，不過未見過亦冇乜留意，拍檔Harris都有幫手望吓，但係冇呢個緣份。」她自言想發展外地市場，至於是否男士市場，她沒有正面回答。她覺得太出名都是一個障礙：「普通人見到藝員都會好似有幅牆喺度，望兩眼就走咗，唔似普通人咁多機會囉。」此外，之之舊愛馬清偉也偕女友Winnie到場力撐。
琦琦穿着高船踭鞋亮相，她表示工作時喜歡穿高踭鞋，感覺可以令人挺直，她又爆囡囡會模特兒上身，穿上自己的長晚裝，站在椅上轉身扮行騷，她說：「兩母女少一齊shopping，但會一齊買嘢畀爹哋。」
利嘉兒爆曾小產
另外，樂基兒、挺住巨肚的邢嘉倩及懷孕4個月的利嘉兒昨晚亦有出席文化中心的時裝騷，利嘉兒形容心態輕鬆照行街：「依家有染髮，老公都有唔畀，我捉埋佢見醫生，其實冇影響。」問到BB性別，利嘉兒表示不知，因自己睇報告時亦刻意不看。她更自爆曾小產過兩次：「其實預咗要8年時間，之前試過冇咗兩次，其實第一次時好難受，知道冇BB呢件事係冇原因，可能係發育問題。第二次有咗經驗，冇第一次咁難受，但有陰影，第二次隔兩年又係咁樣。有啲生過嘅朋友同我講，其實好普遍，心就舒服啲。」
採訪：羅慧敏
攝影：陳慧安、沈健程
回應 (0)
