新聞類別
娛樂
詳情#
【蘋果日報】黃一山（細龜）當年同廖偉雄（阿燦）、胡大為合作《笑聲救地球》，之後又拍過《逃學威龍》、《九品芝麻官》等電影，成為周星馳御用配角。現年53歲、原名黃志強嘅細龜，日前約下午2點，獨自到九龍眼科醫院睇門診，睇完病再排隊預約覆診時間。其間，細龜低頭睇文件，要將啲文件擺到好近，相信係老花問題，見佢講電話時提及：「宣傳費都過億啦，正常㗎，喺內地一隻藥做得好就可以上市，好易搞。」
排期醫白內障
細龜離開醫院時受訪，佢笑言個樣呃到人，事實上身體機能出問題，今次去醫院係排期做白內障手術，佢話：「滴咗眼藥水，所以瞳孔放大，唔可以接觸強光。其實我都有睇私家，但香港有眼科醫院，日日睇唔同症，我都想有多啲專業意見。」
問到細龜喺內地嘅生意，上落以億元計，佢笑笑口話：「有朋友想做衞生巾，仲諗住做埋老人紙尿片，想喺全國賣，問我意見。因為對方係香港朋友，對內地唔清楚，而我就係內地通，唔明問我箒。男人推銷衞生巾係創新思維嘛，我都試過做代言人，男仔拍都冇所謂，又唔係唔見得光。」
撰文：馮仁昭
排期醫白內障
細龜離開醫院時受訪，佢笑言個樣呃到人，事實上身體機能出問題，今次去醫院係排期做白內障手術，佢話：「滴咗眼藥水，所以瞳孔放大，唔可以接觸強光。其實我都有睇私家，但香港有眼科醫院，日日睇唔同症，我都想有多啲專業意見。」
問到細龜喺內地嘅生意，上落以億元計，佢笑笑口話：「有朋友想做衞生巾，仲諗住做埋老人紙尿片，想喺全國賣，問我意見。因為對方係香港朋友，對內地唔清楚，而我就係內地通，唔明問我箒。男人推銷衞生巾係創新思維嘛，我都試過做代言人，男仔拍都冇所謂，又唔係唔見得光。」
撰文：馮仁昭
回應 (0)
