郭可頌心急返歸湊孖女

【蘋果日報】名模熊黛林（Lynn）早前為郭可頌誕下一對孖女，母女近日已經出院返家，正在坐月的Lynn整月都不可以外出，全部都要由老公打點。郭可頌昨日一早就外出辦事，大概下午4時左右，他駕車返回北角寓所。當他一泊好車後，屋苑的管理員已經上前向他匯報門外有很多記者守候。但剛為人父的他當然湊女大過天，一支箭由後樓梯上樓。
當郭可頌上樓未夠5分鐘，新任姑媽的郭可盈駕車離開，她甫見記者在場，第一時間戴上太陽眼鏡，之後在記者面前停車，開窗交談，心情靚到不得了。問到孖女像誰時，可盈得體地說：「一個似爹哋、一個似媽媽。送咗好珍貴嘢畀佢哋，自己小朋友着過嘅衫仔會帶嚟lucky，希望可以傳畀細佬嘅小朋友。」
採訪、攝影：徐錦池、畢紹基