凸肚出水芙蓉山下智久索模女友有咗？！

【蘋果日報】原名丹羽仁希嘅索模Niki參演日本配對節目《Terrace House》得以上位，早前更被爆搭上當紅男星山下智久，不過受緋聞影響，Niki近期一直被男方粉絲透過網絡攻擊，日前在Instagram上載近照，穿上泳裝嘅Niki就被指身材走樣，下腹隆起被指疑似懷孕。
Niki日前上載於沖繩泳池嘅最新近照，當佢擺出誘人甫士晒S身段，卻被網民指其下腹隆起激似懷孕，繼而引起不少網民紛紛討論。可能見網民議論紛紛，Niki事後再po多張全身照平反，更穿運動裝又着比堅尼晒肚，證明自己並非肚凸凸。
其實，山下智久演出日劇《朝5晚9》時與女主角石原聰美傳出地下情，兩人本來係劇迷心目中嘅理想情侶，且傳出結婚消息，但忽然殺出Niki卻令山P迷大喊崩潰，Niki自然成為眾矢之的。