追求演戲新鮮感

【蘋果日報】張家輝創造的「孤城」內充斥貪腐及不公，不少人都會對號入座，表示講的就是香港。不過家輝一下就打沉這個想法，他笑說：「你所見到嘅環境，你係猜測唔到嗰度係香港、係內地、係泰國或者馬來西亞，因為全部歸唔到類㗎。觀眾亦唔可以質疑時間係唔係現在。」
家輝強調這個城市不存在，更反問：「如果我覺得罪惡城係泰國或者馬來西亞，點解我唔索性去泰國拍呢？」家輝在創作上有不少新構思，他笑言早在拍港產片時代已經「嚟料」，他說：「好早期呀，《提防老千》呢啲，都嚟緊料㗎喇，我電鬈咗啲頭髮，然後剃咗個M字額（圖）。有呢個想法係覺得，唔可以就咁換件衫就出嚟表演。」他認為作為表演者，新鮮感是很重要的。