學而自爆被踩冇價值

【蘋果日報】趙學而前晚在紅館舉行演唱會，陳奕迅、蔡一傑、袁詠儀、廖碧兒、江若琳和男友蕭潤邦等捧場，張智霖（Chilam）擔任表演嘉賓。學而性感上場，她笑說：「女人可以有選擇，依家啲女仔唔夠信心，加啲減啲，我堅持唔加，keep住『好平』如潮，去到老都唔會墮。」她和Chilam合唱《現代愛情故事》，Chilam笑說：「你係少數歌手唔會話細個就聽我嘅歌大，班後輩好冇教養，以後唔再做佢哋嘉賓，依家我哋都咁高咁大，老皮老肉，樂壇人瑞大戰樂壇人乾。」
尾聲時，學而自揭曾遇上阻滯：「有位高權重嘅人同我講『你冇價值㗎啦』，嗰刻我冇跌落谷底，之後有另一個同我講『你唔唱歌唔使死』，所以我曾經講過要爭氣，但爭氣係好難。」騷後學而受訪時說：「你哋估啦，我唔會講係邊個。價值係自己，唔會人講一句，就抹煞自己嘅努力。」
採訪：王連連
攝影：林賓尼