新聞類別
娛樂
詳情#
【蘋果日報】現年42歲嘅陳曉東03年轉戰內地，至13年拍《蘭陵王》一劇爆紅，娶埋靚老婆王妤嫻，加埋兩個可愛囡囡，係個百分百幸福男。闊別香港樂壇多年嘅東東，去年返港上無綫節目獻唱舊歌《劃火柴》後獲一致好評，一眾中女童年回憶番晒嚟之餘，亦令東東放多咗時間喺音樂方面，好恨喺紅館開騷嘅佢，去年先在澳門試水溫開騷，反應亦相當理想。
電鬚刨隨身
原來東東早前返咗香港，《蘋果》仲喺灣仔星街發現佢蹤影。當日約下午4點幾，東東同好友兼昔日唱片公司男助手，喺星街一間露天餐廳撐枱腳，不過佢哋同枱食飯卻各自修行，各自篤電話，東東仲間唔中口嗡嗡，似係自己同自己講嘢，之後仲突然喺放枱面嘅背囊攞咗個電鬚刨出嚟剃鬚，快手20秒剃過臉頰兩旁鬚根後，再左望望右望望，見附近冇乜人，就同男友人一齊點咗支煙，東東跟住仲手舞足蹈係咁講嘢。
一支煙時間後就有一男一女到場，原來東東剃乾淨鬚根因為要見人，該一男一女坐低後，東東就好認真咁攞咗紙筆出嚟，然後又翻睇一啲相片，相信4位喺度傾緊一啲同工作有關嘅嘢！
撰文：馮仁昭
電鬚刨隨身
原來東東早前返咗香港，《蘋果》仲喺灣仔星街發現佢蹤影。當日約下午4點幾，東東同好友兼昔日唱片公司男助手，喺星街一間露天餐廳撐枱腳，不過佢哋同枱食飯卻各自修行，各自篤電話，東東仲間唔中口嗡嗡，似係自己同自己講嘢，之後仲突然喺放枱面嘅背囊攞咗個電鬚刨出嚟剃鬚，快手20秒剃過臉頰兩旁鬚根後，再左望望右望望，見附近冇乜人，就同男友人一齊點咗支煙，東東跟住仲手舞足蹈係咁講嘢。
一支煙時間後就有一男一女到場，原來東東剃乾淨鬚根因為要見人，該一男一女坐低後，東東就好認真咁攞咗紙筆出嚟，然後又翻睇一啲相片，相信4位喺度傾緊一啲同工作有關嘅嘢！
撰文：馮仁昭
回應 (0)
