E Cup Baby喊住生6.7磅B女

【蘋果日報】29歲「E Cup Baby」劉欣宜昨日為音樂人老公陳子敏誕下重6.7磅女嬰，乳名貝貝。榮升爸爸的陳子敏昨日接受電話訪問，開心謂：「母女平安，好興奮同緊張，太太比我想像中捱得痛，佢平時對住我好嗲，但我喺產房現場睇到，佢真係好捱得痛。我只能支持同為佢做按摩，等佢可紓緩吓。」
陳子敏指老婆產後顯疲態：「佢生時眼淚不斷流，但唔可以嗌出聲，要留力生，我又分擔唔到佢痛，我好心痛。」陳子敏覺得囡囡長得似媽咪：「囡囡聲出嚟先，把聲好雄厚，我聽到囡囡把聲似太太。」劉欣宜說：「堂哥幫我接生，多謝一班醫護人員照顧，我冇吸氣就生咗。」
撰文：葉晴