新聞類別
娛樂
詳情#
【蘋果日報】【《蘋果》專訪】現年31歲的陳家樂近日憑無綫劇《逆緣》的冷凍人鍾定國，成功入屋，日前他接受本報專訪時，變身阿Sir與阿爺兩身份解讀劇中六、七十年代粵語長片對白，如「齮齮齕齕」（解作多言頂嘴）等，表現七情上面。
「祥哥氹我開心」
原來模仿粵語長片人物角色對白是家樂向監製提議，他更不停看粵語片學習張活游和張瑛兩位前輩的說話方式、用詞和行路姿勢。由於劇集播出後迴響比他之前拍電影大，人人見到他也叫「阿爺」，家樂表示反應出乎意料之外，他說：「最初都驚，只係博一博，有人會覺得自然，同樣有人會覺得造作，擔心俾人話我啲戲核突又扮嘢，好彩大家接受。」
劇中家樂飾演視帝黎耀祥的爺爺及姜大衛的父親，家樂指黎耀祥是自己偶像，從小已看過對方不少劇集：「合作時祥哥自己坐埋念對白，我唔敢同佢講嘢，頭段戲我係要扯火狂鬧佢，祥哥感受到我呢個情況，反而主動同我傾偈，戲裏戲外都叫我爺爺，又買好多嘢請我食，用盡方法氹我開心投入角色，快啲撞出火花。」
去廁所被索簽名
如今街坊見到陳家樂，起碼能叫出爺爺的角色名，家樂坦言開心：「拍戲暫時做唔到任何環境情況下有人認到我，有日我人有三急，衝入商場去洗手間，點知衝入去之際有個叔叔話有睇我劇想同我影相，咁我又好急，唔想推，忍住同佢影，點知影完又有另一個姐姐話影，第三個我真係話好急要去廁所先，點知出番嚟人哋真係等我，令我唔好意思。」說到女友余香凝，家樂表現甜蜜，指女友也有捧場支持，並讚他演繹得意和角色討好。
採訪：卓寶花
「祥哥氹我開心」
原來模仿粵語長片人物角色對白是家樂向監製提議，他更不停看粵語片學習張活游和張瑛兩位前輩的說話方式、用詞和行路姿勢。由於劇集播出後迴響比他之前拍電影大，人人見到他也叫「阿爺」，家樂表示反應出乎意料之外，他說：「最初都驚，只係博一博，有人會覺得自然，同樣有人會覺得造作，擔心俾人話我啲戲核突又扮嘢，好彩大家接受。」
劇中家樂飾演視帝黎耀祥的爺爺及姜大衛的父親，家樂指黎耀祥是自己偶像，從小已看過對方不少劇集：「合作時祥哥自己坐埋念對白，我唔敢同佢講嘢，頭段戲我係要扯火狂鬧佢，祥哥感受到我呢個情況，反而主動同我傾偈，戲裏戲外都叫我爺爺，又買好多嘢請我食，用盡方法氹我開心投入角色，快啲撞出火花。」
去廁所被索簽名
如今街坊見到陳家樂，起碼能叫出爺爺的角色名，家樂坦言開心：「拍戲暫時做唔到任何環境情況下有人認到我，有日我人有三急，衝入商場去洗手間，點知衝入去之際有個叔叔話有睇我劇想同我影相，咁我又好急，唔想推，忍住同佢影，點知影完又有另一個姐姐話影，第三個我真係話好急要去廁所先，點知出番嚟人哋真係等我，令我唔好意思。」說到女友余香凝，家樂表現甜蜜，指女友也有捧場支持，並讚他演繹得意和角色討好。
採訪：卓寶花
回應 (0)
