出動私人飛機扮速遞阿倫、阿Sam合體　8月再開騷

【蘋果日報】許冠傑（阿Sam）及譚詠麟兩大歌神，去年合體舉行「阿Sam&阿Tam Happy Together演唱會」已講明會開Part2，演唱會定於今年8月5日至12日舉行，而本月7日至11日則會有優先訂票。
劉天蘭設計造型
日前阿Sam與阿倫到赤鱲角機場維修區機庫，為演唱會拍攝海報，二人穿上整齊制服，打扮成速遞員造型，原來他們想表達自己化身音樂速遞員，演唱會上將會獻唱更多歌迷喜歡的金曲。
今次演唱會海報拍攝相當大陣仗，除了動用了私人飛機，阿Sam和阿倫的有型有款速遞員造型，更是由著名形象設計師劉天蘭為他們打造。不過，由於拍攝當日氣溫高達35度，二人影到大汗叠細汗。
懷舊金曲如開倉
去年的Part1演唱會有很多金曲都沒有演唱，校長表示收集了很多樂迷意見，今次會唱更多經典作品。阿倫說：「阿Sam同我今次演唱會有如金曲開倉！經典歌曲多到要搵架私人飛機先載得晒，要送好多靚歌畀我哋嘅歌迷！」
撰文：四寶