蘇志威想學跳中國舞

【蘋果日報】蘇志威（蘇老闆）做董事的舞蹈學校iDance，日前在灣仔會展舉行周年匯演，蘇老闆風騷滿場飛，匯演尾聲時更和同是董事的韓馬利（Mary姐）及全校老師上台壓軸表演。蘇老闆表示：「今年係學校10周年，特別搞咁大型嘅show case，見啲學生咁努力，畀個平台佢哋表演，練咗幾個月。今晚佢哋係主角，我只係配角，不過我呢個配角都有上台跳番一小段。師生都玩得好開心，諗住每年都舉辦大型匯演。」
前晚匯演超過250名師生分13組進行，蘇老闆稱：「雖然佢哋唔係專業舞蹈員，但好畀心機，拉丁同HipHop係學校嘅王牌，但估唔到中國舞都咁好，編排同技巧都好好，搞到我都想向深厚中國舞底子嘅Mary姐請教。」
撰文：小米