麥明詩買貴嘢贈媽咪

【蘋果日報】麥明詩、琦琦、林燕玲等昨晚出席首飾活動，麥明詩坦言曾收男仔送首飾，她說：「佢哋想我掛住佢哋，不過呢個品牌係初戀男友送嘅第一份禮物，佢話每年加一粒，不過好可惜只係得一粒，但係都唔緊要，呢個諗法都幾好，好似係一個紀錄。」
提到13日是到母親節，麥明詩說會買禮物，加上媽咪11日生日，她笑謂：「佢係好蝕，不過我哋投資會貴啲，好似送貴鑽石，佢唔戴cheap嘢。我阿爸成日送cheap嘢，以前細個屋企比較節儉，屋企又要供樓，依家4個人搵錢，經濟環境有所改善，當然可以提升送禮物嘅質素，媽咪係非常偉大，冇佢我冇今日。」
另外，琦琦說母親節會三代同堂一齊慶祝，因為好重視這個節日，希望給予囡囡一個榜樣，而她未知囡囡會送甚麼禮物給她。
採訪：羅慧敏
攝影：陳俊強