古天樂讚宣萱大揪嘢

【蘋果日報】古天樂和宣萱昨晚到中環出席首飾品牌活動，佩戴800萬珍珠頸鏈的宣萱閃爆，古仔大讚她好瘦、好索，更扮流口水說：「今日奉旨望你個胸，好大揪嘢。」宣萱指古仔讚美語氣好假，抵死說：「叫佢送啲小首飾畀我，碎石都好，物輕情義重。」稍後兩人將合作拍新戲《犯罪現場》，問跟出爐影帝合作有否壓力？宣萱笑說：「叫佢教我做戲，但就唔會有壓力。」而古仔對於有報道指他有新歡，他否認：「唔係事實唔回應。」宣萱則笑說：「唔係新歡，係舊愛。」
同場的人妻陳爽被問到老公有否送首飾？她坦言：「我哋兩公婆實際啲。」李佳芯就笑言睇中一條逾千萬黑珍珠鏈，問如有一千萬會買樓或首飾？她說：「買樓實際啲，要有先後次序，跟住買鑽飾。」
採訪：羅慧敏
攝影：沈健程