【街訪】小朋友外圍捧場唱飲歌

【蘋果日報】台灣天團五月天首次殺入迪士尼搞露天戶外騷，吸引不少亞洲區五迷睇騷，除持票入場睇騷，亦有近百粉絲在核心外圍隔住鐵馬聽「免費騷」。
採訪：蘇美怡
攝影：卓振輝
【核心外圍】
吳小朋友：「啱啱放學媽咪帶我嚟睇，聽得清楚，鍾意佢哋啲歌詞，『Let's go party！』（《派對動物》歌詞）」吳小朋友媽咪補充：「因為囝囝太細（5歲），所以唔買飛入場，怕現場太吵鬧對囝囝唔好，自己鍾意咗五月天十年，成日喺屋企播歌令囝囝都好鍾意。」
外圍龍友：「係嚟影巴士，因為迪士尼第一次開R線巴士，順便感受演唱會氣氛。」
陳小姐：「鍾意咗五月天一年，上年第一次睇五月天演唱會係陪朋友，從而愛上今次就撲唔到飛，但都想嚟現場感受。」
【核心內圍】
蔡先生：「之前喺新加坡、馬來西亞，同埋兩年前都喺紅館都睇過，今次戶外開騷都幾鍾意，因為舞台大先至睇到更多嘅表演。」
陳小姐（右）：「今次買足六場門票，排咗三晚通宵，覺得好辛苦、好難買，都成功買到六場飛，今次迪士尼戶外場地，覺得幾新鮮。」
伍小姐：「今次非常之難買，開買嗰日喪㩒電腦都唔得，好彩即刻落街排，排咗三個鐘就買到。排得咁辛苦只係睇一場，因為限買四張飛冇計。戶外會開心啲同high啲，落雨照淋啦，仲high啲㖭。」