東洋大食女星萌梓挑戰一口氣鯨吞70碟壽司

【蘋果日報】日本大食女星萌梓挑戰nonstop食70碟壽司紀錄，除一般份量壽司外，為增加難度更有多份巨無霸壽司，不過呢次都冇難倒萌梓，最終亦能挑戰成功。
NTV電視台日前播出的節目中，邀請大胃女星萌梓挑戰食70碟迴轉壽司，由來賓猜佢係咪可以挑戰成功。節目安排萌梓在迴轉輸送帶前，壽司會依住次序送到萌梓面前，佢必須要食完一碟才能取下一碟，如果食唔切，壽司就會經過後方嘅終點線，即代表佢挑戰失敗。
甫開始，萌梓即發揮出大胃王本色，前半段嘅正常份量都被佢一口吞下，但進入30碟之後，壽司就穿插大份量版本，至少都為一般版嘅四倍以上，不過依然難不倒萌梓。到後半段，所有的壽司變成超大份量，有15隻甜蝦嘅壽司、一般八倍量嘅玉子燒、堆疊12層嘅左口魚壽司等，雖然差點失敗，但萌梓速度始終不減，運用一口鯨吞食法成功KO共70碟壽司。