宋熙年毛里裘斯晒孕照Keep住24吋小蠻腰

【蘋果日報】陳智燊（Jason）同宋熙年（Sarah）結婚兩年一直都好恨有BB，上個月初終於傳來好消息，喺網上宣佈#familyof3。
即將榮升做父母嘅Sarah同Jason近日去咗毛里裘斯度假，享受陽光與海灘，吸收新鮮空氣。日前Sarah已經喺ig貼咗一張喺草地上好悠閒咁睇緊關於育嬰書籍嘅相。昨日再貼一張穿上比堅尼嘅孕照，見佢戴住黑超及闊邊帽坐喺一張床墊上面擺甫士。Sarah向來身材纖瘦，懷孕4個月，個肚都唔係好大，繼續keep住24吋小蠻腰，唔少網友都留言話：「還沒有大肚的感覺！」、「Where d tummy？look slim」。
而Sarah就留言：「sending love from Mauritius（從毛里裘斯傳送愛）」。