吳鎮宇嘲拍影帝古仔冇用

【蘋果日報】吳鎮宇在新片《脫皮爸爸》扮演八十多歲患腦退化的爸爸，為了古天樂扮演的兒子不斷脫皮回春至十多歲。吳鎮宇日前在九龍灣接受專訪，提到他於00年憑《槍火》奪金馬影帝，古仔則是出爐金像影帝，電影有兩大影帝壓陣，他笑說：「觀眾唔會理，好多戲都標榜雙影帝，甚至五影帝都有，咪死得仲慘，冇乜用。」
這部戲令吳鎮宇想到現實中的父子情，希望有機會跟爸爸睇波和食冰菠蘿。屋邨長大的他自認野孩子，兒時因父母忙工作甚少機會相處。現為人父的他覺得如今的孩子太幸福，亦令他們遇困難未必懂得面對，就如打機一樣遇到死局只識重玩或求提示，他無奈說：「變相放棄代表下一次機會再來，而我哋嗰代放棄就代表死路一條。」
採訪：馬建華
攝影：沈健程
場地提供：E-Max