新聞類別
娛樂
詳情#
【蘋果日報】【Happy Mother's Day】孫慧雪去年為老公Edwin誕下兒子Riley，寶貝仔轉眼9個月大，今年是雪雪產子後的第一個母親節，兒子未懂得跟她慶祝。當了媽媽的她，更加感受到母愛偉大，因在單親家庭長大的雪雪，自幼由嫲嫲撫養成人，每年母親節都是跟嫲嫲慶祝，現嫲嫲已經93歲，可以含飴弄曾孫。
簽約永不分離
在破碎家庭長大的雪雪坦言：「好多年冇見過媽媽，好細個已經失去聯絡，喺我有記憶以來都係由嫲嫲照顧。小學時，同學放學都係父母嚟接，我就嫲嫲嚟接，曾經有心願希望出現一次爸爸媽媽拖住我嘅畫面，但慢慢習慣咗，因為覺得嫲嫲好錫我，佢畀我嘅愛都好足夠。」
嫲孫情深的雪雪，記得兩人的約定：「我細個好肉麻㗎，會寫我哋兩個要永不分離，仲有合約要一齊簽名，依家張紙溶溶爛爛，嫲嫲都keep住。近幾年儲到啲錢，我就買塊玉送畀佢，我諗咗好耐，反而嫲嫲着重心意。佢有時會亂諗嘢，話唔知見唔見到BB出世，依家見到就好開心，可能見番我細個時候咁。」
兩年後追多個
身為獨生女的雪雪，希望兩年後追多個陪囝囝，現時家中就有三隻狗陪伴：「其中最錫BB嘅係5歲大家姐Moji，BB飲奶、沖涼都會陪住。但BB成日驚狗仔搶嘢食，都要教，但我對Moji好信任，BB喊佢仲緊張過我，會第一時間衝埋去舔番佢，我覺得屋企有狗仔嘅小朋友會更開心，懂得愛護同尊重生命。」
採訪：嵐山
攝影：仇志德、林賓尼
簽約永不分離
在破碎家庭長大的雪雪坦言：「好多年冇見過媽媽，好細個已經失去聯絡，喺我有記憶以來都係由嫲嫲照顧。小學時，同學放學都係父母嚟接，我就嫲嫲嚟接，曾經有心願希望出現一次爸爸媽媽拖住我嘅畫面，但慢慢習慣咗，因為覺得嫲嫲好錫我，佢畀我嘅愛都好足夠。」
嫲孫情深的雪雪，記得兩人的約定：「我細個好肉麻㗎，會寫我哋兩個要永不分離，仲有合約要一齊簽名，依家張紙溶溶爛爛，嫲嫲都keep住。近幾年儲到啲錢，我就買塊玉送畀佢，我諗咗好耐，反而嫲嫲着重心意。佢有時會亂諗嘢，話唔知見唔見到BB出世，依家見到就好開心，可能見番我細個時候咁。」
兩年後追多個
身為獨生女的雪雪，希望兩年後追多個陪囝囝，現時家中就有三隻狗陪伴：「其中最錫BB嘅係5歲大家姐Moji，BB飲奶、沖涼都會陪住。但BB成日驚狗仔搶嘢食，都要教，但我對Moji好信任，BB喊佢仲緊張過我，會第一時間衝埋去舔番佢，我覺得屋企有狗仔嘅小朋友會更開心，懂得愛護同尊重生命。」
採訪：嵐山
攝影：仇志德、林賓尼
回應 (0)
