新聞類別
娛樂
詳情#
【蘋果日報】【Happy Mother's Day】華姐出身的陳爽12年嫁給從事金融業的丈夫梁梓軒（Anthony），14年誕下長子梓熙（Adrian），去年出世的囡囡語嫣（Ashley）亦已經一歲多，識行識跑非常可愛。陳爽笑言今年是第四年過母親節：「雖然囝囝得三歲，不過佢喺肚嗰陣已經當正做母親，慶祝母親節。」
英文名有意思
趁今個星期母親節，陳爽三母子到太平山頂坐纜車兼野餐，Adrian帶齊私伙玩具消防員衫、超級英雄配件通山跑放電，Ashley就拖實媽媽踱步。陳爽透露兄妹的英文名都有意思：「佢哋都用『A』字行頭，襯番老公個英文名。」談到如何慶祝母親節，陳爽直言未收過仔女的禮物，反而爸爸就收過父親節禮物，所以她很妒忌：「因為學校教佢哋整筆記簿，我好jealous。冇實質禮物，都係抱抱錫錫，囝囝今年話想送花喎。」
過往母親節都是吃飯慶祝，陳爽說：「都係食自助餐，多啲選擇，反而每年都會搞家族旅行，三個媽咪（自己、奶奶同媽咪）去玩，一長一短程。至於禮物都冇特別母親節至買，平時見到啱就會買。」當日三母子衣着以紅色為主，陳爽笑言好想讓人一看便知道是一家人的感覺，她說：「不過老公唔鍾意參與。」
每年家族旅行
當日陳爽和子女行到最高點眺望，之後到纜車站，Adrian對於坐纜車落山覺得好特別，陳爽說：「一家三口坐纜車，好新鮮，佢哋都未坐過。因為平時都係揸車，坐纜車原來咁快，直上直落唔使揸車行山路兜來兜去咁迂迴。」
採訪：何永寧
英文名有意思
趁今個星期母親節，陳爽三母子到太平山頂坐纜車兼野餐，Adrian帶齊私伙玩具消防員衫、超級英雄配件通山跑放電，Ashley就拖實媽媽踱步。陳爽透露兄妹的英文名都有意思：「佢哋都用『A』字行頭，襯番老公個英文名。」談到如何慶祝母親節，陳爽直言未收過仔女的禮物，反而爸爸就收過父親節禮物，所以她很妒忌：「因為學校教佢哋整筆記簿，我好jealous。冇實質禮物，都係抱抱錫錫，囝囝今年話想送花喎。」
過往母親節都是吃飯慶祝，陳爽說：「都係食自助餐，多啲選擇，反而每年都會搞家族旅行，三個媽咪（自己、奶奶同媽咪）去玩，一長一短程。至於禮物都冇特別母親節至買，平時見到啱就會買。」當日三母子衣着以紅色為主，陳爽笑言好想讓人一看便知道是一家人的感覺，她說：「不過老公唔鍾意參與。」
每年家族旅行
當日陳爽和子女行到最高點眺望，之後到纜車站，Adrian對於坐纜車落山覺得好特別，陳爽說：「一家三口坐纜車，好新鮮，佢哋都未坐過。因為平時都係揸車，坐纜車原來咁快，直上直落唔使揸車行山路兜來兜去咁迂迴。」
採訪：何永寧
回應 (0)
