卓韻芝9月搞西式婚宴

【蘋果日報】卓韻芝、張慧儀昨日分別與婆婆和兒子Hanson到中環出席活動，阿芝近日正準備婚禮，問她婆婆可心急抱曾孫？她笑笑口向阿芝講：「快啲生番個啦。」旁邊的阿芝說：「一單還一單，婚禮都未搞好，依家預計9月中會喺香港搞一個西式cocktail party，而且有好多親戚喺外國飛返嚟，會另揀日子同佢哋食飯。」
張慧儀曾透露Hanson患有先天性心臟病，問到現時健康情況？她說：「還可以，但要一路keep住檢查身體。」亦坦言照顧Hanson的確有經濟壓力，而且日後更有機會要做手術：「要睇吓佢嘅情況，如果佢好易攰，動作好慢，醫生睇過就需要做，未知手術金額，但肯定接近七位數。」
採訪、攝影：曹家誠