新聞類別
娛樂
詳情#
【蘋果日報】【爆相爆片】吳啟華的54歲胞兄吳啟明，87年跟鄭伊健於無綫藝員訓練班同期畢業，但星途未算順利，總被安排演反派，其中最為人熟悉是在《大時代》中，被鄭少秋飾演的丁蟹掟落街的蟹仔之一旺蟹。自95年拍完電影《狼吻夜驚魂》後，吳啟明便離開娛圈，先後做過投資顧問及保險經紀，有傳他曾因炒股致欠債過千萬，又試過在街頭被人伏擊，但其後他做金融投資做到風山水起。
拒復出拍戲
過去23年，吳啟明絕迹江湖，就算去年秋官在紅館開騷欲邀四名蟹仔重聚，他也不肯露面。不過日前本報於中環獨家捕獲吳啟明，昔日官仔骨骨的他稍為發福，變得成熟穩重和多了一份滄桑感。當晚他單拖在中環九如坊公園食雪茄，之後走進附近一間餐廳與朋友食飯飲酒，食足一小時後，再走出門外食雪茄。
記者上前問及近況，吳啟明說：「我咪搞間細細間餐廳玩吓之嘛。」所指的正是當晚他與友人飯局的餐廳「慢煮兩餐」。
之前《大時代》蟹仔聚會未見他現身，吳啟明坦言：「基本上離開咗呢行，我唔想再高調出番嚟。」可會復出拍戲？他搖頭說：「做啲小生意得啦。」
吳啟明表示餐廳現於香港、河南、湖南和北京有分店外，稍後計劃在上海等地再開10間，他說：「我係借香港嘅牌子去內地，畀人知道我哋香港嘅製作係非常之嚴謹，唔會用嗰啲地溝油，我對食好有要求，理念係將好食嘅嘢畀所有人食到。」
啟華讚叻仔
記者昨日致電吳啟華，他表示兩兄弟少見面，但仍不時互相短訊問候，吳啟華說：「我知佢最近搞緊餐廳，佢係一個完美主義嘅人，搞乜嘢都畀心機做，係一個好叻嘅人，佢冇做演員之後做咗金融界好耐，都幾成功㗎。」
採訪、攝影：梁繼光、羅德光
拒復出拍戲
過去23年，吳啟明絕迹江湖，就算去年秋官在紅館開騷欲邀四名蟹仔重聚，他也不肯露面。不過日前本報於中環獨家捕獲吳啟明，昔日官仔骨骨的他稍為發福，變得成熟穩重和多了一份滄桑感。當晚他單拖在中環九如坊公園食雪茄，之後走進附近一間餐廳與朋友食飯飲酒，食足一小時後，再走出門外食雪茄。
記者上前問及近況，吳啟明說：「我咪搞間細細間餐廳玩吓之嘛。」所指的正是當晚他與友人飯局的餐廳「慢煮兩餐」。
之前《大時代》蟹仔聚會未見他現身，吳啟明坦言：「基本上離開咗呢行，我唔想再高調出番嚟。」可會復出拍戲？他搖頭說：「做啲小生意得啦。」
吳啟明表示餐廳現於香港、河南、湖南和北京有分店外，稍後計劃在上海等地再開10間，他說：「我係借香港嘅牌子去內地，畀人知道我哋香港嘅製作係非常之嚴謹，唔會用嗰啲地溝油，我對食好有要求，理念係將好食嘅嘢畀所有人食到。」
啟華讚叻仔
記者昨日致電吳啟華，他表示兩兄弟少見面，但仍不時互相短訊問候，吳啟華說：「我知佢最近搞緊餐廳，佢係一個完美主義嘅人，搞乜嘢都畀心機做，係一個好叻嘅人，佢冇做演員之後做咗金融界好耐，都幾成功㗎。」
採訪、攝影：梁繼光、羅德光
回應 (0)
