馮志佑嘆最低工資都冇

【蘋果日報】黃秋生講過要當演員，必須要有當乞兒的決心，反映演員路難行。鄧智堅與馮志佑都是演藝學院畢業生，明知山有虎偏向虎山行，只因太愛演戲。兩人考入演藝時，家人都擔心他們往後的生計，鄧智堅指當時母親建議他多考一個貨車駕駛執照傍身，畢業至今超過十年，他說：「我做緊演員、編劇、導演、戲劇導師同配音，起碼五個工作崗位，單靠做演員，可能都可以令你維持到生計，但就要做一啲唔想做嘅演出，同埋會遇到奇怪嘅製作單位。」
馮志佑家人即使也讀演藝，仍然抗拒他當初揀選演藝之路，馮志佑說：「畢業後一直喺呢個洪流度生存，每份job連最低人工都畀唔到，但係如果唔做可以做乜？因為我都冇其他技能。」他希望香港演藝事業生態會再改善，增加演出場地及政府增撥資助。