44歲生日周汶錡high爆任攬任錫老公睇住都唔嬲

【蘋果日報】昨日係名模周汶錡（Kathy）嘅44歲生日，前晚已有慶祝活動，約埋一班好朋友，包括丁子高、前男模侯維德、妹妹周麗淇等開派對，當然唔少得Kathy嘅法籍有米老公Julien Lepeu啦，但就唔見一對寶貝仔，相信都因為太夜，小朋友要瞓覺豬喇。
丁子高昨日喺IG上載與Kathy嘅合照，見Kathy穿上一條透視低胸裙，表現興奮，頭貼頭咁攬住丁子高影相。其實見Kathy全晚都超high，攬完丁子高，又與Walter嘴對嘴，之後就由老公陪住切蛋榚。