新聞類別
娛樂
詳情#
【蘋果日報】吳卓羲噚晚喺灣仔出席貿發局舉辦嘅時裝騷，同場仲有楊愛瑾、姚子羚、楊明同單文柔等。最近網上流出一大班好友為吳卓羲慶祝39歲生日嘅相，生日宴中有苗僑偉夫婦、馬德鐘、郭政鴻同梁烈唯，吳卓羲仲攬住坐喺佢旁邊戴cap帽嘅女仔，有粉絲以為偶像藉生日公佈戀情，並送上祝福。
噚晚問吳卓羲係咪拍拖，佢就話嗰個唔係女朋友，叫大家咪多心︰「搭膊頭唔一定係女朋友，個女仔係一個認識咗好耐嘅圈外朋友，嗰晚見番好多舊朋友，好開心。」
拍拖唔收埋
問到點解唔拍拖，吳卓羲就話︰「唔搞呢啲嘢住嘞！依家咁忙，邊有時間吖！如果真係女朋友都唔會登出嚟啦。個女仔貼出嚟之前都問過我，我話冇問題，其實如果拍拖都會同大家講，否則又俾人話我收收埋埋。」問到自從同內地女星張馨予分手後，感情一直冇着落，佢話︰「我都想拍拖，但真係冇時間，感情都要時間培養㗎嘛。」
不過，吳卓羲話唔抗拒同圈外女仔拍拖︰「拍拖呢啲嘢，鍾意就鍾意㗎啦，冇所謂圈外圈內，睇緣份啦。依家要畀心機搵錢儲老婆本先，仲要儲埋奶粉錢，我都想將來老婆生仔嗰陣，我可以唔做嘢陪佢。不過我暫時都唔急結婚，都係專注拍好啲戲先。」
Miki恨生女
同場嘅楊愛瑾（Miki）就話依家主要忙湊仔，因為囝囝已經歲幾，要準備學前班︰「我有向朋友取經，其實我對個仔讀書唔係太緊張，反而啲朋友好緊張，老公喺教育方面好有主見，佢話等個小朋友喺香港讀到某個年齡，先送佢去外國，到時睇吓個小朋友發展先。不過我自己就唔係好捨得，如果跟埋小朋友去，又怕對婚姻唔係咁健康。」問Miki會唔會再追多個，佢就話︰「順其自然啦！睇個天安排有就有，可以生多個女就更加圓滿。好似自己咁，喺屋企都有一仔一女。」
撰文：馮仁昭
噚晚問吳卓羲係咪拍拖，佢就話嗰個唔係女朋友，叫大家咪多心︰「搭膊頭唔一定係女朋友，個女仔係一個認識咗好耐嘅圈外朋友，嗰晚見番好多舊朋友，好開心。」
拍拖唔收埋
問到點解唔拍拖，吳卓羲就話︰「唔搞呢啲嘢住嘞！依家咁忙，邊有時間吖！如果真係女朋友都唔會登出嚟啦。個女仔貼出嚟之前都問過我，我話冇問題，其實如果拍拖都會同大家講，否則又俾人話我收收埋埋。」問到自從同內地女星張馨予分手後，感情一直冇着落，佢話︰「我都想拍拖，但真係冇時間，感情都要時間培養㗎嘛。」
不過，吳卓羲話唔抗拒同圈外女仔拍拖︰「拍拖呢啲嘢，鍾意就鍾意㗎啦，冇所謂圈外圈內，睇緣份啦。依家要畀心機搵錢儲老婆本先，仲要儲埋奶粉錢，我都想將來老婆生仔嗰陣，我可以唔做嘢陪佢。不過我暫時都唔急結婚，都係專注拍好啲戲先。」
Miki恨生女
同場嘅楊愛瑾（Miki）就話依家主要忙湊仔，因為囝囝已經歲幾，要準備學前班︰「我有向朋友取經，其實我對個仔讀書唔係太緊張，反而啲朋友好緊張，老公喺教育方面好有主見，佢話等個小朋友喺香港讀到某個年齡，先送佢去外國，到時睇吓個小朋友發展先。不過我自己就唔係好捨得，如果跟埋小朋友去，又怕對婚姻唔係咁健康。」問Miki會唔會再追多個，佢就話︰「順其自然啦！睇個天安排有就有，可以生多個女就更加圓滿。好似自己咁，喺屋企都有一仔一女。」
撰文：馮仁昭
回應 (0)
