王菀之聞生B即儍笑

【蘋果日報】王菀之（Ivana）、徐濠縈及黃馨前晚在中環PMQ，出席時裝活動，Ivana就表示前來撐好友黃馨，對方曾為她做演唱會造型。提到Ivana已做人妻一段日子，問她有否生B大計，她儍笑表示：「唔知呀，唔知點講呀！」再問她會否明年豬年生豬仔，目標生幾個，她都笑笑口：「我唔知喎！呢啲問題好難答，搞到成個人都係紅色。」
另外，黃馨近年忙發掘時裝界新血，問到她會否與Ivana在唱歌方面合作，她說：「有諗過呀，希望同佢可以合作唱兒歌，佢又鍾意天真同幻想嘅嘢，而且佢遲啲都會生BB，希望香港嘅小朋友可以睇到多啲關於香港創作嘅嘢。」問到黃馨會否傳授生B貼士給Ivana，她表示：「我個仔好鍾意Ivana，只要佢一出現，好自然佢就會幫我湊B。」
採訪：卓寶花
攝影：陳慧安