楊怡家門被闖感震驚

【蘋果日報】楊怡、張慧儀、莊思敏及張達倫等昨日到尖沙嘴為李霖恩太太有份投資的醫學美容中心擔任嘉賓。身為代言人的楊怡，笑言想由頭做到腳，又爆老公羅仲謙經常表示要保持青春。至於她前晚於社交平台指有傳媒闖入屋企範圍偷拍，楊怡說：「我係有啲震驚同嬲，我認得佢亦都影低咗，希望下次唔好。」問到老公有何反應？她說：「佢開緊工冇理，淨係叫我息怒。」
張慧儀表示囝囝10月將會做心臟手術，她坦言感心痛及有壓力：「反而囝囝係happy child，佢仲同我講瞓醒（麻醉後）就做完。」張達倫帶同太太及11個月大兒子碩碩現身，碩碩眼大大很精靈。他笑指仔仔最愛講「掟掟」：「好似講粗口咁，哈。如果有廣告拍都可以呀，拍劇就唔好喇，大家都辛苦。」
採訪：盧妹
攝影：仇志德