「電池狂人」7800萬捐美大學

【明報專訊】國家主席胡錦濤早前訪美後，兩國雙邊貿易嘅大門將來好大機會進一步開放，畀咗做生意嘅商家大把機會發揮。中新社日前在舊金山（三藩巿）有一個消息話，有一家中國民營企業嘅老闆叫做鍾馨稼，向美國加州大學河濱分校捐贈有史以來最大筆達到1000萬美元（約7800萬港元）嘅捐款。

一般香港人對內地近年發達嘅貴人仲未知得太多，鍾馨稼係邊個？佢咪係「電池狂人」、中聚雷天（0729）副主席兼技術總監囉！佢對自己研發鋰電池一直引以為傲，仲講過「全球65億人，只有我1個人發明出稀土鋰電池」等豪言偉論。原來佢對電池有非一般的狂熱之外，都對下一代教育幾有Heart喎！

河濱分校有消息話，鍾馨稼去年在加州大學河濱分校所在城市，宣布投資3億美元開設柴油休閒車製造公司，佢擁有啲間公司大部分股份，依啲在美生產嘅休閒車未來3至4年內，全部銷往中國。佢同當地合作依個項目亦係胡錦濤訪美時兩國簽署嘅合作協議之一，顯示兩國在開發新能源方面的合作。