梁詠琪演彭浩翔舊愛嗌難頂

【蘋果日報】彭浩翔執導的賀歲電影《恭喜八婆》前晚在尖沙嘴舉行煞科宴，出席演員包括梁詠琪（GiGi）、謝賢、陳靜（DaDa）、陳逸寧、谷祖琳、邵音音及徐天佑等。
梁詠琪今次應好友彭浩翔邀請客串，她說：「之前拍緊另一部《小Q》，自己都驚分唔到身，但係彭浩翔話只係客串四組戲，點知最後拍咗七組，呢個都唔係重點，仲要演佢前度女朋友，要我好崇拜仰慕佢，真係好考我嘅演技，好有挑戰性，我同陳逸寧仲因為佢而反面。」GiGi笑言今次以友情價兼超時開工，為對方省回不少製作費。此外，DaDa拍最後一場武打戲時拉傷大髀，她說：「拉傷大髀內側條筋，為免尷尬，所以搵咗個女跌打醫師。」
採訪：張俊銘
攝影：陳俊強