吳日言如願順產生女

【蘋果日報】吳日言昨日35歲生日，同時宣佈囡囡Bea出世，重6.6磅，她透露願望成真可以順產，不過就經歷了12小時陣痛：「我冇選擇無痛分娩，只靠聞笑氣，陣痛指數達到127，感覺好似死去活來，陣痛到十個鐘時，BB心跳突然跌落80，情況唔樂觀。老公冇剪臍帶，因為嗰刻好危險，醫生話BB出嚟嗰陣臍帶真係纏住條頸，佢要即刻整番好，再遲五分鐘就要開刀，聽到BB嘅喊聲非常感動，不過我冇喊，因為已經筋疲力盡。」
生完後吳日言血壓指數好低，要先在產房休息兩小時。此外，何嘉莉早前宣佈意外懷第三胎，昨日她在Ig表示今胎陀女，囝囝就坦言想要細佬，何嘉莉惟有說：「男女也是媽媽的寶貝。」
採訪：小米