蕭正楠黃翠如餐具做婚戒

【蘋果日報】黃翠如與蕭正楠拍拖四年，前晚在台慶頒獎禮上，蕭正楠獲獎時在台上驚爆：「多謝我太太黃翠如。」令兩人婚事曝光。兩人昨日又在社交網於上婚戒照片，翠如留言：「他在過山車上向我求婚，我在河邊向他求婚……我們給對方的，是陪伴的承諾。沒有奢華的浪漫，但足夠。」
蕭正楠昨日在上環拍攝新劇，提到結婚戒指，他表示向翠如求婚時已送上鑽戒，但對方卻鍾情在新西蘭買的手工戒指︰「我哋結婚冇好周詳嘅計劃，只係準備咗個幾星期就出發，但一直搵唔到心水婚戒，直至去到farm market，喺攤位發現呢對用餐具捲成嘅戒指，大家都鍾意。」
擺酒要問太太
今次在頒獎禮上公佈喜訊，蕭正楠感覺圓滿：「有乜好得過一次過喺全港面前分享呢件開心事，好圓滿，我希望畀太太好難忘嘅一晚。太太好感動，噚晚返到去，未見過佢咁溫柔，停低架車已經用好迷人眼神望住我，不過瞓醒就打回原形。」他表示想過擺酒，但翠如愛低調，要先徵求她同意，至於造人就順其自然。另外，前晚公佈婚訊後，翠如未有等老公，就先行揸車返回兩人位於大埔康樂園的新居。
採訪︰卓寶花
攝影︰葉君海
長青網 - 一站式長者及護老者生活資訊網站