司機讚混能的舒適　車主嫌貴

【蘋果日報】豐田汽車（Toyota）旗下石油氣金豐四座位的士去年停產，本港代理商引入車價32萬元的新款混能的士（Comfort Hybrid Taxi），目前全港暫有八部新車行駛，未來會全面取代舊款的士。混能的士時代將來臨，有司機指新車耗油量遠較傳統石油氣的士小，而且馬力較勁，「上斜舒服啲」。不過有的士車主認為新車偏貴，「如果舊款有得整（維修）就整咗先」，現階段未有太大意欲換車。
全港有超過1.8萬部四座或五座位的士，逾九成屬豐田金豐石油氣的士，其中五座位石油氣的士已經停產多年，4座位亦於去年停產，豐田香港代理商皇冠汽車正逐步引入新款混能的士，同樣為4座位。新的士以石油氣為燃料並輔以電力推動，外形與日本的士相類似，現時每部車價約32萬元，較舊車約26萬元貴兩成三。
方便輪椅人士上落
楊師傅駕駛的士已經超過20年，一直「揸開」舊款石油氣的士，每更車租約460元、石油氣費約120元。他表示已經轉駕駛混能的士約半年，車租雖然加至約510元，但每更石油氣錢減至約70元。楊師傅又稱，新車座位設計較舒適，車長短6吋，「冇咗車尾箱個位，泊車易啲」，馬力也較勁，「起步、加速快啲，上斜都舒服啲」。新款混能的士有低地台設計及輪椅專用斜台，他認為更方便輪椅人士上落的士。
車主未有意欲更換
新款混能的士將淘汰舊款石油氣的士，楊師傅表示：「都有唔捨得㗎，咁多年都係靠佢搵食，但時代要變都冇辦法。」不過，他估計雖然豐田將引入新款混能的士，但要舊款石油氣的士要全部退役，「最少都要10年8年」。
城市的士車主司機聯會主席莊永德表示，現時市面大約有三至四成的士屬於5座位，不少車主都想保留5座位的士，「好多都唔想換車，有得整就整咗先，傾向維修舊車多於換新車」。
莊永德又認為，新款混能的士車價偏貴，加上新車種面世，「初出嗰時零件同配套都少、又唔係咁足，咪會貴」，故現階段車主都採取觀望態度，未有太大意欲換車。
■記者譚靜雯
長青網 - 一站式長者及護老者生活資訊網站