新聞類別
娛樂
詳情#
【蘋果日報】熊黛林在模特兒界拼搏20年，前年嫁予郭可盈弟弟郭可頌後，去年更誕下一對可愛孖女。由名模變靚媽，熊黛林日前接受《蘋果》專訪分享湊B經，她直言視當母親為首要任務，堅持親力親為湊女，雖然冇覺好瞓之餘，更不能扮靚，但能陪着兩名囡囡成長，令她感到人生充實，非常幸福。
採訪：羅慧敏
攝影：陳俊強
現年38歲的熊黛林可算是幸運兒，她行天橋、拍電影、演真人騷，瓣數多籮籮。不過，自她16年嫁予百億家族後人郭可頌，去年誕下一對可愛孖女Kaylor與Lyvia，搖身一變成為靚靚媽咪。
緊張大師
熊黛林坦言為湊孖女犧牲了不少，不過反覺得現在很幸福：「18年係我人生豐收年，生咗兩個女，我嘅角色由一個女仔變成一個媽咪，以前唔使返工嗰陣時我會喺屋企扮吓靚、上吓網，同老公出去食吓飯，好舒服，依家變咗唔使做嘢嘅時候仲辛苦，由朝忙到晚，夜晚可能仲要起身照顧，好忙好充實！但係好開心、好幸福！」
談到湊女經，熊黛林滔滔不絕，自認緊張大師的她會親力親為湊女：「夜晚有姨姨照顧，但姨姨會放假，而工人姐姐我就唔放心，唔係話佢唔專業，係我過唔到自己嗰關，我覺得BB咁細，自己照顧放心啲，我係緊張大師，夜晚聽到個女喊，就即刻彈起身，好凍嘅天氣我連拖鞋都唔着、褸都唔披，就衝去BB房，怕起遲咗另一個會被嘈醒，咁就好大鑊。」
早前孖女不幸患上腸胃炎，令熊黛林極之心痛：「之前佢哋去完會所嘅兒童天地玩，返嚟就腸胃炎，又屙、又發燒，一個完咗就另外一個，跟住又傳番畀另一個，反反覆覆，夜晚肚痛喺度喊，當時成家人醒晒，真係好肉赤，依家已經好番。」熊黛林說能陪伴女兒成長，是一大樂事，不過她斷然拒絕做虎媽：「我想佢哋喺冇壓力嘅情況下學習、做嘢，唔想個女行我舊路，我唔使佢哋大富大貴，只想佢哋開心同健康，係好簡單嘅嘢。」
熊黛林透露會不時請教姑奶郭可盈教女之道︰「同佢食飯時成日會傾，佢都冇畀壓力津津（郭可盈女兒），成日鼓勵佢做自己鍾意嘅嘢、學習，我覺得咁係最好。我同老公諗法差唔多，唔使科科考第一，你合格、開心就得！鍾意學乜就學乜，唔鍾意嘅唔會逼。」問她短期內會否再追B？她說：「暫時唔會，好辛苦。依家好享受，但嚟多個我唔得，搞唔掂！」
化妝：Ivan Lee
髮型：Chris of ILcolpo Platinum
長青網 - 一站式長者及護老者生活資訊網站
採訪：羅慧敏
攝影：陳俊強
現年38歲的熊黛林可算是幸運兒，她行天橋、拍電影、演真人騷，瓣數多籮籮。不過，自她16年嫁予百億家族後人郭可頌，去年誕下一對可愛孖女Kaylor與Lyvia，搖身一變成為靚靚媽咪。
緊張大師
熊黛林坦言為湊孖女犧牲了不少，不過反覺得現在很幸福：「18年係我人生豐收年，生咗兩個女，我嘅角色由一個女仔變成一個媽咪，以前唔使返工嗰陣時我會喺屋企扮吓靚、上吓網，同老公出去食吓飯，好舒服，依家變咗唔使做嘢嘅時候仲辛苦，由朝忙到晚，夜晚可能仲要起身照顧，好忙好充實！但係好開心、好幸福！」
談到湊女經，熊黛林滔滔不絕，自認緊張大師的她會親力親為湊女：「夜晚有姨姨照顧，但姨姨會放假，而工人姐姐我就唔放心，唔係話佢唔專業，係我過唔到自己嗰關，我覺得BB咁細，自己照顧放心啲，我係緊張大師，夜晚聽到個女喊，就即刻彈起身，好凍嘅天氣我連拖鞋都唔着、褸都唔披，就衝去BB房，怕起遲咗另一個會被嘈醒，咁就好大鑊。」
早前孖女不幸患上腸胃炎，令熊黛林極之心痛：「之前佢哋去完會所嘅兒童天地玩，返嚟就腸胃炎，又屙、又發燒，一個完咗就另外一個，跟住又傳番畀另一個，反反覆覆，夜晚肚痛喺度喊，當時成家人醒晒，真係好肉赤，依家已經好番。」熊黛林說能陪伴女兒成長，是一大樂事，不過她斷然拒絕做虎媽：「我想佢哋喺冇壓力嘅情況下學習、做嘢，唔想個女行我舊路，我唔使佢哋大富大貴，只想佢哋開心同健康，係好簡單嘅嘢。」
熊黛林透露會不時請教姑奶郭可盈教女之道︰「同佢食飯時成日會傾，佢都冇畀壓力津津（郭可盈女兒），成日鼓勵佢做自己鍾意嘅嘢、學習，我覺得咁係最好。我同老公諗法差唔多，唔使科科考第一，你合格、開心就得！鍾意學乜就學乜，唔鍾意嘅唔會逼。」問她短期內會否再追B？她說：「暫時唔會，好辛苦。依家好享受，但嚟多個我唔得，搞唔掂！」
化妝：Ivan Lee
髮型：Chris of ILcolpo Platinum
長青網 - 一站式長者及護老者生活資訊網站
回應 (0)
