新聞類別
財經
詳情#
【蘋果日報】
今輪中美貿易談判喺加時兩日後，以延長停火期作結。雙方例牌講句取得進展，但就無對六大議題嘅進展作詳述。特朗普喺Twitter話，將由佢同習近平敲定份協議。呢句說話，話中有話，暗示頂多拖多一陣，到大佬出馬就係大限，中方要計掂數讓步。
據《華爾街日報》爆料，中方喺經濟結構問題上企硬。白宮迄今只係透露滙率議題傾得埋欄，反映其他議題分歧仍大。點解滙率行先？皆因美國怕中國以貶值手段抵銷美國關稅，唔穩住滙率，搞咁大場大龍鳳，隨時白做。舊年人民幣由升轉跌，正係中美貿易戰開打之時。
舊年4月美國開出對500億美元中國貨嘅關稅清單，9月加碼對2,000億美元中國貨徵稅。4月至9月，人民幣兌美元貶值9.2%，幾乎抵銷10%關稅。要人民幣保持穩定，咁咩價位先算穩定？現時美元兌人民幣喺6.7水平，舊年4月初喺6.3水平，要重返呢個位，人民幣要升6%。不過，環球經濟下行，各國貨幣政策轉鬆，升值自有難處，但打個五折，都有望見6.5。喺貿談有進展、人民幣走強下，中港股市食住上。
周一，滬股飆5.6%，港股升0.5%。人民幣升值，打晒開口牌，短期有助支持以人民幣計算資產嘅中資企業，A股最為受惠。此外，A股仲有兩大催化劑：一、習近平下旨金融要為實體經濟服務；二、MSCI快將公佈係咪擴大A股權重。
想買A股，最簡單係買A股ETF，例如南方A50（2822）、安碩A50（2823）、華夏滬深三百（3188），前兩者追蹤富時中國A50指數，後者追蹤滬深300指數。兩個指數，金融業所佔比重分別為65%同35%；換言之，講到分散行業風險，後者輕佳。想搭順風車，宜候回吐上車。
割柑人
本欄逢周二刊出
長青網 - 一站式長者及護老者生活資訊網站
今輪中美貿易談判喺加時兩日後，以延長停火期作結。雙方例牌講句取得進展，但就無對六大議題嘅進展作詳述。特朗普喺Twitter話，將由佢同習近平敲定份協議。呢句說話，話中有話，暗示頂多拖多一陣，到大佬出馬就係大限，中方要計掂數讓步。
據《華爾街日報》爆料，中方喺經濟結構問題上企硬。白宮迄今只係透露滙率議題傾得埋欄，反映其他議題分歧仍大。點解滙率行先？皆因美國怕中國以貶值手段抵銷美國關稅，唔穩住滙率，搞咁大場大龍鳳，隨時白做。舊年人民幣由升轉跌，正係中美貿易戰開打之時。
舊年4月美國開出對500億美元中國貨嘅關稅清單，9月加碼對2,000億美元中國貨徵稅。4月至9月，人民幣兌美元貶值9.2%，幾乎抵銷10%關稅。要人民幣保持穩定，咁咩價位先算穩定？現時美元兌人民幣喺6.7水平，舊年4月初喺6.3水平，要重返呢個位，人民幣要升6%。不過，環球經濟下行，各國貨幣政策轉鬆，升值自有難處，但打個五折，都有望見6.5。喺貿談有進展、人民幣走強下，中港股市食住上。
周一，滬股飆5.6%，港股升0.5%。人民幣升值，打晒開口牌，短期有助支持以人民幣計算資產嘅中資企業，A股最為受惠。此外，A股仲有兩大催化劑：一、習近平下旨金融要為實體經濟服務；二、MSCI快將公佈係咪擴大A股權重。
想買A股，最簡單係買A股ETF，例如南方A50（2822）、安碩A50（2823）、華夏滬深三百（3188），前兩者追蹤富時中國A50指數，後者追蹤滬深300指數。兩個指數，金融業所佔比重分別為65%同35%；換言之，講到分散行業風險，後者輕佳。想搭順風車，宜候回吐上車。
割柑人
本欄逢周二刊出
長青網 - 一站式長者及護老者生活資訊網站
回應 (0)
