新聞類別
娛樂
詳情#
【蘋果日報】有「和音天王」之稱的譚錫禧，80年代在羅文的賞識下展開和音生涯。對於當年與羅文相處的軼事，他說：「佢好鍾意同我一齊玩，亦好玩得，佢會同我講笑『我搵日搵張波斯地毯，除晒你啲衫，捲住你掟入嚟我屋企度。』」到98年和音界進入冰河時期，譚錫禧兼任唱片監製及唱歌老師，百足咁多爪，完全發揮到港人的變色龍精神。
撰文︰祖李
攝影︰林德雄
結他手出身的譚錫禧日前在觀塘接受訪問，他表示當年在灣仔酒吧彈結他，適逢羅文想找一班樂手跟他走埠，在朋友介紹下認識對方：「佢一見到我就捉住唔放，嗰陣彈結他之餘仲同佢唱埋和音。佢霸佔咗我一段時間後，我曝光率高咗，80年代好多歌星喺海城夜總會開騷，張偉文又介紹我入紅館唱和音，一唱就逾二千場。」
讚有情有義
談及羅文，譚錫禧大讚：「呢種靚聲依家真係好難搵，佢對人亦有情有義。佢好鍾意同我一齊玩，亦好玩得，佢會同我講笑『我搵日搵張波斯地毯，除晒你啲衫，捲住你掟入嚟我屋企度。』我第一次出埠都係同佢去美加登台，去到多倫多落晒雪，我嗰陣唔知咁凍，跟佢去公園遊覽，行到雙腳直情冇晒知覺，後來佢要搵人孭我去舖頭啲火爐解凍，雙腳至行得番，呢個經歷畢生難忘。」
除了羅文，譚錫禧最愛與梅艷芳及許冠傑出騷，因二人不但沒明星架子，對和音團更是一家親。問到有否難忘事？譚錫禧坦言試過有次惹怒劉德華：「有次未到我唱，我咪食麵包囉，另一個和音Jacky聞到香味，就忍唔住笑，連帶另外兩個女和音都笑埋一份，台上嘅劉德華聽到，大聲問『做乜呀？』嚇到個個即刻收聲。」
一日踩七組
譚錫禧在高峯期一日踩七組，早上為卡拉OK碟錄音，包括彈結他及和音部份，之後分別去三間唱片公司做編、唱和音，再趕去唱廣告歌，然而返紅館做騷，工作量非常誇張，亦因此為他帶來豐厚收入，每月穩袋十幾萬。可惜花無百日紅，98年和音界進入冰河時期，譚錫禧惟有轉軚教唱歌另謀出路：「嗰陣一跌就谷底，試過成個月都冇job，我要轉行教唱歌，方力申、麥浚龍、李彩華，我都教過，又幫人編吓曲，做吓監製，總之就係音樂打雜。」
場地提供：如心艾朗酒店
長青網 - 一站式長者及護老者生活資訊網站
撰文︰祖李
攝影︰林德雄
結他手出身的譚錫禧日前在觀塘接受訪問，他表示當年在灣仔酒吧彈結他，適逢羅文想找一班樂手跟他走埠，在朋友介紹下認識對方：「佢一見到我就捉住唔放，嗰陣彈結他之餘仲同佢唱埋和音。佢霸佔咗我一段時間後，我曝光率高咗，80年代好多歌星喺海城夜總會開騷，張偉文又介紹我入紅館唱和音，一唱就逾二千場。」
讚有情有義
談及羅文，譚錫禧大讚：「呢種靚聲依家真係好難搵，佢對人亦有情有義。佢好鍾意同我一齊玩，亦好玩得，佢會同我講笑『我搵日搵張波斯地毯，除晒你啲衫，捲住你掟入嚟我屋企度。』我第一次出埠都係同佢去美加登台，去到多倫多落晒雪，我嗰陣唔知咁凍，跟佢去公園遊覽，行到雙腳直情冇晒知覺，後來佢要搵人孭我去舖頭啲火爐解凍，雙腳至行得番，呢個經歷畢生難忘。」
除了羅文，譚錫禧最愛與梅艷芳及許冠傑出騷，因二人不但沒明星架子，對和音團更是一家親。問到有否難忘事？譚錫禧坦言試過有次惹怒劉德華：「有次未到我唱，我咪食麵包囉，另一個和音Jacky聞到香味，就忍唔住笑，連帶另外兩個女和音都笑埋一份，台上嘅劉德華聽到，大聲問『做乜呀？』嚇到個個即刻收聲。」
一日踩七組
譚錫禧在高峯期一日踩七組，早上為卡拉OK碟錄音，包括彈結他及和音部份，之後分別去三間唱片公司做編、唱和音，再趕去唱廣告歌，然而返紅館做騷，工作量非常誇張，亦因此為他帶來豐厚收入，每月穩袋十幾萬。可惜花無百日紅，98年和音界進入冰河時期，譚錫禧惟有轉軚教唱歌另謀出路：「嗰陣一跌就谷底，試過成個月都冇job，我要轉行教唱歌，方力申、麥浚龍、李彩華，我都教過，又幫人編吓曲，做吓監製，總之就係音樂打雜。」
場地提供：如心艾朗酒店
長青網 - 一站式長者及護老者生活資訊網站
回應 (0)
