新聞類別
港聞
詳情#
【蘋果日報】茶學顧問劉原亦，人稱「亦老師」，由爺爺開始三代賣茶，家中逾半世紀的茶莊交由他接手打理後，他不但賣茶，更不惜「斟茶遞水」教人飲茶。由選茶、烘焙以至沖泡，樣樣皆工夫，由他一雙巧手泡出生活的苦澀與甘甜。
傳統有價，很多早年不值錢的茶餅，經過歲月的塵封，如今已升至天價，亦老師繼承家族生意之餘，更希望上一代飲茶文化得以傳承。
記者：黎國剛
攝影：簡明恩
劉原亦打理的家族老字號「劉裕發茶莊」，至今有58年歷史，茶莊傳到他手裏，開了兩間分店，名叫「工夫茶舍」。當中一間分店位於灣仔利東街，店內還掛有上世紀七十年代茶莊位處未清拆前東頭邨的舊舖照片，可見當年老店是用煉奶罐綁上繩索收錢，將賣茶的錢放於罐內，舖內還有一個大天井用作烘焙茶葉，當時社會飲茶風氣相當盛行，店內放滿一個個茶餅。
「爸爸幾十年嚟一直堅持，如果冇人接手會好可惜。」
不過原來茶莊從來沒有劉裕發這個人，最初老店是以劉原亦的父親劉國浩的名字命名，叫作劉浩記。「嗰時屋企人改呢個名都覺得老套，所以用咗一段短時間，就取個好意頭，改用依家劉裕發個名」。談起往事，劉原亦說由他爺爺一代開始已經賣茶，當時爺爺每日背着茶葉在東頭邨一帶，逐家逐戶上門叫賣茶葉，後來才在邨內開舖。由於自小受父親薰陶，他也因此愛上喝茶。
現年42歲的劉原亦是香港出生潮州人，對飲茶相當講究，他原本讀電腦通訊出身，畢業後便接手茶莊，「當初見爸爸咁努力經營茶莊，幾十年嚟一直係咁堅持，如果冇人接手，會覺得好可惜」。他猶記得最初老父曾叮囑他賣茶是夕陽行業，「話畀三個月時間我諗清楚，叫我唔好做做吓就畀番條舖頭鎖匙佢」，但他眼見年輕一輩香港人「唔識飲茶」，所以毅然接手茶莊並開設工夫茶舍。茶莊是賣茶的地方，而茶舍予人的印象則是飲茶聚腳地，他對飲茶文化有一份堅持，也自覺有一份使命，要教人飲真正的傳統工夫茶。
「接受到工夫茶嘅濃味之後，就發現其他茶係冇味道嘅！」
「老一輩嘅人喺五、六十年代，係帶埋飲茶文化由內地嚟到香港，嗰時社會氣氛普遍都係飲茶，但到咗呢一代飲茶文化慢慢失傳咗，冇咗上一代人咁鍾意飲茶；亦都係上一代人冇機會教下一代人飲茶，可以睇到自2000年之後香港人係唔識飲茶」。
劉原亦所講的工夫茶，是指用鐵觀音或烏龍茶沖泡，由選茶葉開始，經製作烘焙，每一樣都是講究，其間不能夠烘燶，也不可以不夠火喉，以免影響茶味；以至收藏茶葉、泡茶過程，每一樣都需要花工夫，與打功夫無關，坊間叫功夫茶其實是一種誤解。
劉原亦笑指，最初從爸爸身上學習品茗時，「好似其他人一樣，接受唔到工夫茶嘅濃味，我仲同爸爸講覺得香片幾好飲，比工夫茶口味仲好啲。爸爸就好大反應，話：『你都黐線嘅！』」不過經過父親多年來的教導，如今兩仔爺飲茶品味一致，喜愛工夫茶的回甘味濃。在亦老師眼中，好的工夫茶是苦澀味較少，喝茶的人都追求回甘味，而且飲的茶會越來越濃，「接受到工夫茶嘅濃味之後，就發現其他茶係冇味道嘅！」
教茶多年，劉原亦一直希望守住香港的飲茶文化，他指五年前曾經有一位來自元朗的老師帶着一班學生，返內地潮州尋根，希望追溯當地的飲茶文化，但發現當地人亦已失去飲工夫茶的傳統。歸其原因，劉原亦指潮州人近年興起飲當地出產的鳳凰單欉，以焗盅泡茶取代了原本用小茶壺沖泡的工夫茶。結果該名老師尋根無果來到茶舍，劉原亦親手為他泡出一壺工夫茶，客人呷一口茶，感動得大叫：「就係呢種味！」事件令他印象至深，覺得多年努力終算沒有白費。
「等仔女夠大可以拎起個水煲，我就會教佢哋沖茶。」
劉原亦教年輕一輩飲茶，也沒放過自己的子女，女兒今年十歲，兒子七歲，但他已教一對子女飲茶，「唔會特登逼佢哋飲茶，但我成日沖嚟飲，佢哋又黐嚟飲，慢慢佢哋都對飲茶有興趣」。雖然讓子女繼承飲茶文化仍未是時候，但劉原亦笑言：「等佢哋夠大可以拎起個水煲，我就會教佢哋沖茶。」那一刻訪問講到口乾，「來，飲茶飲茶」，劉原亦泡出一壺工夫茶與記者分享，他把茶杯用手指輕輕轉了轉，毋須大動作就把工夫茶喝下，笑言：「飲茶就係優雅一啲！」
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
傳統有價，很多早年不值錢的茶餅，經過歲月的塵封，如今已升至天價，亦老師繼承家族生意之餘，更希望上一代飲茶文化得以傳承。
記者：黎國剛
攝影：簡明恩
劉原亦打理的家族老字號「劉裕發茶莊」，至今有58年歷史，茶莊傳到他手裏，開了兩間分店，名叫「工夫茶舍」。當中一間分店位於灣仔利東街，店內還掛有上世紀七十年代茶莊位處未清拆前東頭邨的舊舖照片，可見當年老店是用煉奶罐綁上繩索收錢，將賣茶的錢放於罐內，舖內還有一個大天井用作烘焙茶葉，當時社會飲茶風氣相當盛行，店內放滿一個個茶餅。
「爸爸幾十年嚟一直堅持，如果冇人接手會好可惜。」
不過原來茶莊從來沒有劉裕發這個人，最初老店是以劉原亦的父親劉國浩的名字命名，叫作劉浩記。「嗰時屋企人改呢個名都覺得老套，所以用咗一段短時間，就取個好意頭，改用依家劉裕發個名」。談起往事，劉原亦說由他爺爺一代開始已經賣茶，當時爺爺每日背着茶葉在東頭邨一帶，逐家逐戶上門叫賣茶葉，後來才在邨內開舖。由於自小受父親薰陶，他也因此愛上喝茶。
現年42歲的劉原亦是香港出生潮州人，對飲茶相當講究，他原本讀電腦通訊出身，畢業後便接手茶莊，「當初見爸爸咁努力經營茶莊，幾十年嚟一直係咁堅持，如果冇人接手，會覺得好可惜」。他猶記得最初老父曾叮囑他賣茶是夕陽行業，「話畀三個月時間我諗清楚，叫我唔好做做吓就畀番條舖頭鎖匙佢」，但他眼見年輕一輩香港人「唔識飲茶」，所以毅然接手茶莊並開設工夫茶舍。茶莊是賣茶的地方，而茶舍予人的印象則是飲茶聚腳地，他對飲茶文化有一份堅持，也自覺有一份使命，要教人飲真正的傳統工夫茶。
「接受到工夫茶嘅濃味之後，就發現其他茶係冇味道嘅！」
「老一輩嘅人喺五、六十年代，係帶埋飲茶文化由內地嚟到香港，嗰時社會氣氛普遍都係飲茶，但到咗呢一代飲茶文化慢慢失傳咗，冇咗上一代人咁鍾意飲茶；亦都係上一代人冇機會教下一代人飲茶，可以睇到自2000年之後香港人係唔識飲茶」。
劉原亦所講的工夫茶，是指用鐵觀音或烏龍茶沖泡，由選茶葉開始，經製作烘焙，每一樣都是講究，其間不能夠烘燶，也不可以不夠火喉，以免影響茶味；以至收藏茶葉、泡茶過程，每一樣都需要花工夫，與打功夫無關，坊間叫功夫茶其實是一種誤解。
劉原亦笑指，最初從爸爸身上學習品茗時，「好似其他人一樣，接受唔到工夫茶嘅濃味，我仲同爸爸講覺得香片幾好飲，比工夫茶口味仲好啲。爸爸就好大反應，話：『你都黐線嘅！』」不過經過父親多年來的教導，如今兩仔爺飲茶品味一致，喜愛工夫茶的回甘味濃。在亦老師眼中，好的工夫茶是苦澀味較少，喝茶的人都追求回甘味，而且飲的茶會越來越濃，「接受到工夫茶嘅濃味之後，就發現其他茶係冇味道嘅！」
教茶多年，劉原亦一直希望守住香港的飲茶文化，他指五年前曾經有一位來自元朗的老師帶着一班學生，返內地潮州尋根，希望追溯當地的飲茶文化，但發現當地人亦已失去飲工夫茶的傳統。歸其原因，劉原亦指潮州人近年興起飲當地出產的鳳凰單欉，以焗盅泡茶取代了原本用小茶壺沖泡的工夫茶。結果該名老師尋根無果來到茶舍，劉原亦親手為他泡出一壺工夫茶，客人呷一口茶，感動得大叫：「就係呢種味！」事件令他印象至深，覺得多年努力終算沒有白費。
「等仔女夠大可以拎起個水煲，我就會教佢哋沖茶。」
劉原亦教年輕一輩飲茶，也沒放過自己的子女，女兒今年十歲，兒子七歲，但他已教一對子女飲茶，「唔會特登逼佢哋飲茶，但我成日沖嚟飲，佢哋又黐嚟飲，慢慢佢哋都對飲茶有興趣」。雖然讓子女繼承飲茶文化仍未是時候，但劉原亦笑言：「等佢哋夠大可以拎起個水煲，我就會教佢哋沖茶。」那一刻訪問講到口乾，「來，飲茶飲茶」，劉原亦泡出一壺工夫茶與記者分享，他把茶杯用手指輕輕轉了轉，毋須大動作就把工夫茶喝下，笑言：「飲茶就係優雅一啲！」
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
回應 (0)
