新聞類別
娛樂
詳情#
【蘋果日報】
無綫「御用看更」、「御用道友」嘅資深演員陳勉良，本身係一名國畫高手，17歲開始學國畫，82年開個人畫展，之後作品陸續喺內地、澳洲、美加同馬來西亞等唔同地方展出，直到02年佢仲將個人作品結集成書，又喺旺角開設個人畫室，米雪同李香琴都曾經係佢嘅徒弟。
陳勉良噚日喺中環舉辦畫展，今次展出嘅作品，係佢半世紀嘅回顧展。向來都擅長畫山水畫同花卉嘅陳勉良，試過喺內地拍劇時，見到一啲美麗嘅景色，會搵助導幫手一起刻畫記載情景。其實陳勉良間中都會客串吓，幫劇集畫道具畫，甚至做埋「替手」，喺鏡頭前繪畫或寫書法，佢話：「有時拍戲到半夜三更，美術部又收咗工，導演想要實質少少畫，就會叫我幫手畫。」
今次畫展咁多作品之中，陳勉良最唔捨得割愛嘅係一幅六呎高嘅作品，佢話：「呢幅作品當初最唔捨得賣，後尾賣咗畀公司同事，同事好好，借番畀我出嚟展覽。」畫畫係陳勉良興趣，雖然用咗佢唔少時間，不過屋企人一啲都冇投訴，佢好幸福咁話：「最幸福係遇到兩位太太都好支持我。」
冇聯絡琴姐
至於會唔會再拍劇，陳勉良就話有啱嘅劇本都會接拍：「依家冇道友王，劇種有啲教壞人，呢十年少咗，做小人物角色多。」佢話近年反而會教畫畫，琴姐當年係其中一個學生：「對上一次見係四年前嘅事，但係已經冇再聯絡，我知道佢醫院同護老院兩邊走，所以都唔好意思搵佢。」
撰文：馮仁昭
長青網 - 一站式長者及護老者生活資訊網站
無綫「御用看更」、「御用道友」嘅資深演員陳勉良，本身係一名國畫高手，17歲開始學國畫，82年開個人畫展，之後作品陸續喺內地、澳洲、美加同馬來西亞等唔同地方展出，直到02年佢仲將個人作品結集成書，又喺旺角開設個人畫室，米雪同李香琴都曾經係佢嘅徒弟。
陳勉良噚日喺中環舉辦畫展，今次展出嘅作品，係佢半世紀嘅回顧展。向來都擅長畫山水畫同花卉嘅陳勉良，試過喺內地拍劇時，見到一啲美麗嘅景色，會搵助導幫手一起刻畫記載情景。其實陳勉良間中都會客串吓，幫劇集畫道具畫，甚至做埋「替手」，喺鏡頭前繪畫或寫書法，佢話：「有時拍戲到半夜三更，美術部又收咗工，導演想要實質少少畫，就會叫我幫手畫。」
今次畫展咁多作品之中，陳勉良最唔捨得割愛嘅係一幅六呎高嘅作品，佢話：「呢幅作品當初最唔捨得賣，後尾賣咗畀公司同事，同事好好，借番畀我出嚟展覽。」畫畫係陳勉良興趣，雖然用咗佢唔少時間，不過屋企人一啲都冇投訴，佢好幸福咁話：「最幸福係遇到兩位太太都好支持我。」
冇聯絡琴姐
至於會唔會再拍劇，陳勉良就話有啱嘅劇本都會接拍：「依家冇道友王，劇種有啲教壞人，呢十年少咗，做小人物角色多。」佢話近年反而會教畫畫，琴姐當年係其中一個學生：「對上一次見係四年前嘅事，但係已經冇再聯絡，我知道佢醫院同護老院兩邊走，所以都唔好意思搵佢。」
撰文：馮仁昭
長青網 - 一站式長者及護老者生活資訊網站
回應 (0)
