新聞類別
財經
詳情#
【蘋果日報】
香港廣告客戶協會每年都會搞午宴，邀請行家同傳媒聚一聚，今年都唔例外，但唔少行家都話唔睇好今年情況，就算唔cut budget，老細睇條數都睇到好緊，每一分一毫都要使得好小心。
一個廣告收十萬
近年唔少廣告客都鐘意用KOL嚟做宣傳，但有行家就話，佢哋越收越貴、「吊高嚟買」，甚至有行家反映，搵某KOL嗰時未紅，但傾嘅途中紅咗，KOL即刻反價，話要加價四成！仲話啲一線KOL拍個廣告收費過十萬，有時個客見反應好，都唔介意畀多啲錢，有時仲吸引過傳統明星。咁好搵，唔怪得現時咁多小學生第日大個都要做YouTuber！
有唔想開名嘅KOL就話，上年反價情況都相當普遍，唔少KOL接job都過十萬，以美容同旅遊類最多。佢哋太多job揀，接唔切就加價兩成左右，但今年個市明顯靜咗，現時調番轉俾人壓價。
有廣告客就話，傳統媒體廣告市況已經見底，好似電視始終多人睇，比較入屋，個別product電視賣廣告反應會好過放喺網上。話就話後生唔睇電視，但係食飯時間屋企人開住，唔睇唔得。
李華華
mailto:[email protected]
[email protected]
長青網 - 一站式長者及護老者生活資訊網站
香港廣告客戶協會每年都會搞午宴，邀請行家同傳媒聚一聚，今年都唔例外，但唔少行家都話唔睇好今年情況，就算唔cut budget，老細睇條數都睇到好緊，每一分一毫都要使得好小心。
一個廣告收十萬
近年唔少廣告客都鐘意用KOL嚟做宣傳，但有行家就話，佢哋越收越貴、「吊高嚟買」，甚至有行家反映，搵某KOL嗰時未紅，但傾嘅途中紅咗，KOL即刻反價，話要加價四成！仲話啲一線KOL拍個廣告收費過十萬，有時個客見反應好，都唔介意畀多啲錢，有時仲吸引過傳統明星。咁好搵，唔怪得現時咁多小學生第日大個都要做YouTuber！
有唔想開名嘅KOL就話，上年反價情況都相當普遍，唔少KOL接job都過十萬，以美容同旅遊類最多。佢哋太多job揀，接唔切就加價兩成左右，但今年個市明顯靜咗，現時調番轉俾人壓價。
有廣告客就話，傳統媒體廣告市況已經見底，好似電視始終多人睇，比較入屋，個別product電視賣廣告反應會好過放喺網上。話就話後生唔睇電視，但係食飯時間屋企人開住，唔睇唔得。
李華華
mailto:[email protected]
[email protected]
長青網 - 一站式長者及護老者生活資訊網站
回應 (0)
