新聞類別
娛樂
詳情#
【蘋果日報】
藝進同學會噚晚喺九龍灣舉行慈善晚宴，一班「舊生」包括盧海鵬、劉兆銘同譚玉瑛等都有出席，副會長黃澤鋒話今次大約可籌得60萬元。久未露面嘅翁虹噚晚就露腿現身，佢話父母年近九十，所以近年主力喺內地發展嘅佢都成日返港探兩老，仲話想回流返港做嘢︰「香港係我嘅家，廣東話係我嘅母語，有適合嘅團隊同角色，我都想返嚟拍。我係工作狂，囡囡已經12歲大，我同佢協議咗，佢返學我就工作，佢放假我就陪佢，一年最少兩次家庭聚會。」
翁虹仲話自己入行30周年，特別設計咗一套首飾送畀自己，最近仲斟緊一部港劇，內容講香港精神，佢都希望可以成功接拍。
吳博君醫藥費壓力大
另外，第八期訓練班學員吳博君患有漸凍人症，由太太陪住現身，吳博君雖然要坐電動輪椅，但精神唔錯。問到最近身體狀況，佢話︰「麻麻哋，因為肌肉流失冇力，手腳力度越嚟越細，依家keep住去西醫覆診、睇中醫，個幾月前狀況差咗，行都唔夠力。」佢話喺病發時，藝進同學會都有幫過佢，仲籌咗十萬蚊畀佢應急，有活動仲會叫佢去，今次叫到就畀面出席。
不過，吳博君就話依家醫藥費好大壓力，一個月醫藥費要上萬元，好彩有個圈外朋友幫佢，不過老婆要照顧佢返唔到工，所以對未來好擔心。佢話：「暫時見步行步囉。」
撰文：馮仁昭
長青網 - 一站式長者及護老者生活資訊網站
藝進同學會噚晚喺九龍灣舉行慈善晚宴，一班「舊生」包括盧海鵬、劉兆銘同譚玉瑛等都有出席，副會長黃澤鋒話今次大約可籌得60萬元。久未露面嘅翁虹噚晚就露腿現身，佢話父母年近九十，所以近年主力喺內地發展嘅佢都成日返港探兩老，仲話想回流返港做嘢︰「香港係我嘅家，廣東話係我嘅母語，有適合嘅團隊同角色，我都想返嚟拍。我係工作狂，囡囡已經12歲大，我同佢協議咗，佢返學我就工作，佢放假我就陪佢，一年最少兩次家庭聚會。」
翁虹仲話自己入行30周年，特別設計咗一套首飾送畀自己，最近仲斟緊一部港劇，內容講香港精神，佢都希望可以成功接拍。
吳博君醫藥費壓力大
另外，第八期訓練班學員吳博君患有漸凍人症，由太太陪住現身，吳博君雖然要坐電動輪椅，但精神唔錯。問到最近身體狀況，佢話︰「麻麻哋，因為肌肉流失冇力，手腳力度越嚟越細，依家keep住去西醫覆診、睇中醫，個幾月前狀況差咗，行都唔夠力。」佢話喺病發時，藝進同學會都有幫過佢，仲籌咗十萬蚊畀佢應急，有活動仲會叫佢去，今次叫到就畀面出席。
不過，吳博君就話依家醫藥費好大壓力，一個月醫藥費要上萬元，好彩有個圈外朋友幫佢，不過老婆要照顧佢返唔到工，所以對未來好擔心。佢話：「暫時見步行步囉。」
撰文：馮仁昭
長青網 - 一站式長者及護老者生活資訊網站
回應 (0)
