學會知足毋忘初心

【蘋果日報】一向賣靚聲的蘇永康，今年再踏紅館一樣是齋唱：「上次開係12年，都7年之癢，中間做咗Big Four同男人幫，17年參加澳門藝術節，同澳門中樂團合作，覺得好fresh，今次邀請廣州中樂團合作，台上over 90人好墟冚。至於舞蹈冇乜花臣搞，因為我唔係唱片歌手。」
85年參加新秀的蘇永康，等了四年才出首張唱片《失眠》，歌聲一鳴驚人，其後憑《越吻越傷心》及《那誰》爆紅。問到會否覺得回報跟才華不成正比？他坦言：「我幾享受依家嘅位置，好多年前已經學識人比人就比死人，最緊要知足，而且毋忘初心，我做乜參加歌唱比賽先？我唔係想做明星，我只係想唱歌，咁多年我都係歌手，副業係演員，咁樣好足夠，我反而感恩，你估喺度等就畀你等到，我好幸運有三、四個唔錯嘅機會。」
長青網 - 一站式長者及護老者生活資訊網站