秋生奪導演會影帝　自嘲佛地魔

【蘋果日報】香港電影導演會前晚在尖沙嘴舉行30周年晚宴，黃秋生、惠英紅、蔡卓妍、方中信、吳千語及吳鎮宇等現身。席上頒發年度最佳男、女主角等大獎，黃秋生憑《淪落人》榮登影帝，最佳女主角則由《三夫》的曾美慧孜奪得，應屆會長劉偉強在席間宣佈張婉婷將出任新一屆會長之職。前晚特首林鄭月娥亦在場，秋生在台上表示有話要對她講，引來全場歡呼，秋生笑笑口說：「好少可喎，呢幾年我個名好似佛地魔咁唔提得，好多謝政府撥好多錢支持香港電影發展。」
千語聞林峯搖頭
吳千語舊愛林峯近日與女友張馨月傳出傳訊，千語平淡地說：「成日都咁講。」問到跟林峯有否聯絡？千語搖搖頭。追問她與林峯是否不再是朋友？她說：「冇嘢嘅，見到咪見。」介意合作嗎？她稱：「有機會先算，冇乜所謂，不過我覺得唔會有呢個機會。」
周潤發日前拍攝電影《驕陽歲月》時發生意外，遭黃德斌誤傷左額側，方中信指自己當時也在場，他笑言：「扑我咪好地地囉，可以食兩餐飯就算數，佢識得揀個荷李活巨星嚟扑，所以我都叫佢近排都係唔好去街巿，因為我早排去街巿，菜檔啲人都問我，發哥有冇事。」
採訪：卓寶花
攝影：仇志德
資料來源：蘋果日報2019年3月12日

長青網 - 一站式長者及護老者生活資訊網站