盧家培「貼地」坐經濟艙

【蘋果日報】香港機場有近120間航空公司提供航班服務，競爭劇烈可想而知。經常提醒同事要「夠貼地」的國泰顧客及商務總裁盧家培，有時出差會放棄搭頭等的高層福利，特意乘搭經濟艙，又會坐其他航空公司航班，體察競爭對手的服務水平。
讚前線同事會變通
「我舊年有次去咗美國公幹，來回兩程都係坐其他航空公司；來回係兩間唔同嘅亞洲航空公司，一班係直航，一班係轉機返嚟嘅」，香港往返美國飛行時間平均需要13小時，刻意選擇轉機，的確「貼地」。
談到扮演尋常商務客的最大體會，他說：「競爭真係激烈，乘客係有選擇。好服務係重要，而亞洲好多航空公司嘅服務都係做得唔錯。」不過，他覺得公司前線同事較會變通，笑言或因香港人一向靈活反應快。除了乘搭其他航空公司航班，盧表示乘搭國泰航班亦會經常試搭不同艙位，了解乘客體驗及多聽前線同事意見。
國泰今年2月在長途航班商務艙安裝了iPad協助機艙服務員點菜，「同事唔需要喺客艙走嚟走去，galley（飛機上的廚房）同事自然會收到」，機艙服務員工作壓力不輕，投放資源改善工作流程，乘客亦間接得益。
長青網 - 一站式長者及護老者生活資訊網站