情人節抗通脹

【明報專訊】情人節好快又到，一眾男生要冧掂女朋友，又點少得一餐浪漫又溫馨嘅燭光晚餐。不過家通脹咁犀利，食材鮮花朱古力樣樣都貴，真係少啲銀両都應付唔嚟。因應家愈來愈多海豚族（指鍾意團購或囤貨嘅年輕人，取其「豚」音），新地旗下wtc more世貿中心亦諗咗條好橋，聯同近30個商戶，推出多項抗通脹優惠。

餐廳6人同行送香檳

就好似喺Hooray Bar&Restaurant訂情人節套餐，4人同行有八折，6人同行有八折之外仲會送多支香檳！餐廳負責人話，唔理你係同性戀定忘年戀，通通都可以享受呢個優惠，家位已經訂滿咗九成！

新地代理租務部高級推廣經理梁婉珊話，唔少內地人都鍾意嚟香港過節，所以安排咗5團共250名內地客嚟「甜蜜優惠購物」，估計可為商場額外帶嚟160萬元嘅生意額。