破壞一國兩制「跟住大陸一齊死」

【蘋果日報】近年DQ議員及參選人已常態化、又發生港府取締香港民族黨，以及香港外國記者會前副主席馬凱被逐等事件，令國際社會質疑一國兩制。天主教香港教區榮休主教陳日君樞機接受訪問時直言，香港法治已經「冇咗」，對一國兩制也不感樂觀，直斥破壞一國兩制是「好醜陋」的事，他警告，破壞一國兩制只會令香港「跟住大陸一齊死」，呼籲有權者「選擇吓」，並寄語年輕人在民主運動路上加強合作，以不違法方式迫使政府回應。
寄語年輕人加強合作
陳日君接受港台節目《議事論事》訪問時，指摘內地不明白香港制度，「佢哋無意中破壞我哋制度，根本唔識，事實上我好早就覺得（一國兩制）已經唔得」，形容香港法治已經「冇咗」，又指立法會修改《議事規則》、DQ事件更令一國兩制蕩然無存，斥破壞一兩制是「好醜陋」的事，「因為係好隆重咁喺全世界面前應承咗嘅嘢」，強調破壞香港「大家冇好處，跟住大陸一齊死」。他形容香港「好脆弱」，破壞一國兩制後果嚴重，「希望有權啲人要選擇吓」。
陳日君又談及對雨傘運動看法，他說當初不太贊成學生做法，認為他們缺乏策略，面對狡猾的政府「輸咗好多」，但現時探望在囚青年，發現他們堅強又和平，「所以我覺得有將來嘅，暫時或者覺得好無奈，依家好似冇嘢，唔使心急，唔係冇嘢，係喺道成長緊」。他指傘運可能令人對民主運動「驚驚哋」，但長遠而言會有好效果，「至少引起國際注意」，直言政府現時不懼怕，但他日或會後悔，「嗰啲人以為自己可以放肆隨便做啲好唔公道嘅嘢，我哋唔使怕佢，唔使怕佢，遲早上天會搞掂」。他又寄語年輕人加強合作，向外國如波蘭學習，在不違法情況下令政府擔心、要作出回應。
此外，對於早前他公開批評中梵秘密臨時協議，被指違反教條挑戰教宗，陳日君指「教宗不能錯」的適用範圍有限制，身為樞機亦有責任為教宗給予意見，但強調並非指罵或攻擊教宗，僅是表達教廷有行為令人引起憂慮。
陳又稱難以明白協議何以要秘密進行，即使是臨時協議都應公開，「係咪照呢個協議執行，我又唔知喎」，批評內地政府欺騙外界，指教宗同意了那些事，「比如話要（教徒）上嚟參加愛國會（中國天主教愛國會），教宗冇講㗎，協議肯定冇呢樣」，強調協議公開就不會出現這些問題。
■記者梁穎妍
長青網 - 一站式長者及護老者生活資訊網站