新聞類別
娛樂
詳情#
【蘋果日報】
李彩華、任達華、阮兆祥、徐子珊、陳豪及歐瑞偉等噚日喺九展出席頒獎禮，任達華獲大會頒發最具影響力電影男演員大獎，佢話：「嚟攞獎當然係好開心啦！」
上月做咗人妻嘅李彩華，容光煥發現身，佢話婚後喺內地拍劇，成個月冇見過老公，下個月又有新戲開拍，所以已計劃明年減產，佢話：「暫時都冇時間造，不過就有計劃下一年，依家想享受二人世界。佢都好忙，我哋月底工作完會再見面，honeymoon都未計劃去邊。」不過李彩華離開會場時，因現場比較混亂，慘被踩爛裙。
計劃出唱片
至於早前低調離開無綫嘅阮兆祥，受訪時話：「今年係我踏入無綫30年，自己都諗咗好耐，前半年都蘊釀緊。」問到樂易玲或余詠珊有冇挽留？祥仔話：「其實同我傾過幾次，但唔好拉人落水，依家唔合作，唔代表明年冇。」唱歌出身嘅祥仔透露未來大計會出唱片，10月喺旺角麥花臣場館再開個人演唱會。
同場嘅馬德鐘提到最近影響好友陳山聰食素：「佢話見到我好似回咗春咁，山聰跟我食素一個月。」山聰就話食素後精神咗，好快就減咗8磅，而新劇對手姚子羚都食素多年，今次最大得着係對方會煲素湯帶去開工，大家一齊飲。
撰文：馮仁昭
長青網 - 一站式長者及護老者生活資訊網站
李彩華、任達華、阮兆祥、徐子珊、陳豪及歐瑞偉等噚日喺九展出席頒獎禮，任達華獲大會頒發最具影響力電影男演員大獎，佢話：「嚟攞獎當然係好開心啦！」
上月做咗人妻嘅李彩華，容光煥發現身，佢話婚後喺內地拍劇，成個月冇見過老公，下個月又有新戲開拍，所以已計劃明年減產，佢話：「暫時都冇時間造，不過就有計劃下一年，依家想享受二人世界。佢都好忙，我哋月底工作完會再見面，honeymoon都未計劃去邊。」不過李彩華離開會場時，因現場比較混亂，慘被踩爛裙。
計劃出唱片
至於早前低調離開無綫嘅阮兆祥，受訪時話：「今年係我踏入無綫30年，自己都諗咗好耐，前半年都蘊釀緊。」問到樂易玲或余詠珊有冇挽留？祥仔話：「其實同我傾過幾次，但唔好拉人落水，依家唔合作，唔代表明年冇。」唱歌出身嘅祥仔透露未來大計會出唱片，10月喺旺角麥花臣場館再開個人演唱會。
同場嘅馬德鐘提到最近影響好友陳山聰食素：「佢話見到我好似回咗春咁，山聰跟我食素一個月。」山聰就話食素後精神咗，好快就減咗8磅，而新劇對手姚子羚都食素多年，今次最大得着係對方會煲素湯帶去開工，大家一齊飲。
撰文：馮仁昭
長青網 - 一站式長者及護老者生活資訊網站
回應 (0)
